Prezıdent otandyq geologıa salasynyń ardagerlerin qabyldady
Qasym-Jomart Toqaev elimizdiń geologıa salasyna eńbek sińirgen bir top qaıratkermen – QR UǴA akademıgi Serikbek Dáýkeevpen, «Merıdıan Petroleým» JSHS dırektory Baltabek Qýandyqovpen, Q.I. Sátbaev atyndaǵy Geologıalyq ǵylymdar ınstıtýtynyń dırektory Geroı Joltaevpen jáne «Mıneraldyq resýrstar akademıasy» qoǵamdyq birlestiginiń prezıdenti Bolat Újkenovpen kezdesti, dep habarlaıdy almaty-akshamy.kz
Kezdesý barysynda Memleket basshysy geologıa salasy jalpy jer qoınaýyn paıdalaný isin qarqyndy damytýdyń negizi ekenin jáne el ekonomıkasynyń mańyzdy quramdas bólshegi sanalatynyn atap ótti.
Prezıdenttiń pikirinshe, atalǵan salaǵa, ásirese geologıalyq barlaý jáne jer qoınaýyn keshendi zertteý baǵytyna tyń serpin berý qajet. Sondyqtan jýyrdaǵy Joldaýda Úkimetke 2026 jylǵa qaraı geologıalyq jáne geofızıkalyq barlaý kólemin 2,2 mıllıon sharshy shaqyrymǵa deıin jetkizý mindeti júkteldi.
Memleket basshysynyń aıtýynsha, geologıalyq barlaý salasyna sheteldik ınvestorlardy, sondaı-aq kapıtal men zamanaýı tehnologıalardy tartý maqsatynda keshendi sharalar qabyldanyp jatyr. Bul rette ınvestısıa úshin geologıa salasynyń ashyqtyǵy men memleket múddesi arasyndaǵy teńgerimdi saqtaý mańyzdy.
Sonymen qatar kezdesýde geologıa salasynyń ózekti máseleleri men atalǵan baǵytty yntalandyrýǵa qatysty usynystar talqylandy.
Kezdesý sońynda Qasym-Jomart Toqaev otandyq geologıa salasyn damytýǵa eleýli úles qosqany úshin ardager ǵalymdarǵa alǵys aıtty.