Premer-mınıstrdiń orynbasary - Qarjy mınıstri Erulan Jamaýbaev elimizde 5,6 myńǵa jýyq azamat bankrot dep tanylǵanyn málim etti.
Bul týraly ol Parlamenttik tyńdaýda baıandama jasaǵan kezde málimdedi, dep habarlaıdy Almaty-akshamy.kz Egemen.kz-ke silteme jasap.
«Jeke tulǵalardyń bankrottyǵy boıynsha «Qoldau» jańa aqparattyq júıesi iske qosyldy. Bıyl 3 naýryzdan bastap 69 myńnan astam ótinish kelip tústi. Onyń 55 myńy bankrottyq rásimge sáıkes kelmeıtini anyqtaldy. Negizgi sebepteri: múliktiń bolýy, boryshkerdiń qaryz somasy men tólem merzimi boıynsha sáıkessizdik jáne kredıtormen boryshty durys rettemeý. Nátıjesinde 8 mlrd teńgeden astam borysh somasyna 5,6 myńǵa jýyq azamat bankrot dep tanyldy», - dedi E.Jamaýbaev.
Onyń aıtýynsha sot arqyly bankrottyq jáne tólem qabilettiligin qalpyna keltirý rásimin qoldaný úshin sottarǵa 1 200-ge jýyq azamat júgingen. Degenmen jekelegen boryshkerler keıbir kedergilerdiń saldarynan bankrottyq rásimin qoldana almaı otyr.