Promoýter Eddı Hırn qazaqstandyq kásipqoı boksshy Genadıı Golovkındi rıngke qaıta oralýy múmkin ekenin aıtty.
Biraq sportshy burynǵydaı orta salmaqta synǵa túse almaıdy, dep habarlaıdy Almaty-akshamy.kz.
Promoýter sózine súıensek, qazaqstandyq boksshy karerasyn qaıta qolǵa alsa onda sýper orta salmaqtaǵy sportshylarmen judyryqtasady. Bul qatarda Edgar Berlanga men Haıme Mýngıa bar.
“Ol Edgar Berlanga men Haıme Mýngıaǵa qarsy rıngke shyqsa onda tamasha kezdesý bolar edi. Dese de Golovkın Mýngıaǵa qaraǵanda áldeqaıda tanymal. Ári jasyna qaramastan soqqylary da, boksy da erekshe”, - deıdi promoýter.
Sonymen qatar Hırn Golovkındi qatty qurmetteıtinin jáne Mýngıamen kezdesýdiń tezirek bolǵanyn qalaıtynyna da toqtalǵan.
“Maǵan Mýngıa da unaıdy. Biraq Golovkınmen salystyrǵanda ony elıtalyq sanattyń boksshysy dep aıtý qıyn. Biraq kórermen úshin óte qyzyq boks keshi bolatynyna senimim mol. Onyń ústine Genadıı Nú-Iork tórindegi Madison Square Garden arenasynda judyryqtasty. Basty suraq endi Golovkın óz karerasyn jalǵastyra ma? Osy jaıtty sheship alý kerek”, - dep qorytyndylaǵan sózin Eddı Hırn.