Almatyda qurban shalýǵa arnalǵan 14 oryn belgilendi. Bul týraly Óńirlik komýnıkasıalar qyzmeti alańynda múftıat ókilderi habarlady. Bıylǵy jyly Qurban aıt meıramy 28 maýsymǵa túsip tur jáne ol 30 maýsymǵa deıin toılanady, dep habarlaıdy almaty-akshamy.kz
Almaty qalasyndaǵy 54 meshitte aıt namazy tańǵy saǵat 06:00-de oqylady. Aıtýly merekeniń basty ǵıbadaty – qurbandyq shalý rásimine musylman jurtshylyǵy osy aıt namazyn oqyǵan soń kirisedi.
«Tórt túlik maldan tek qana qoı-eshki, sıyr jáne túıe ǵana qurbandyqqa shalynady. Qoı men eshki bir jasqa, sıyr eki jasqa, túıe bes jasqa tolýy kerek. Alty aıdan asqan toqty bir jasar qoı sıaqty etti bolsa, qurbandyqqa jaraıdy. Al, eshki mindetti túrde bir jasar bolýy kerek. Qoı men eshki bir kisi atynan qurban etiledi. Al, sıyr men túıeni bir adamnan jeti adam deıin birigip qurban shalý múmkindigine ıe», - dedi Almaty qalasynyń bas ımamy Tólebı Ospan.
Qurbandyqty qurban2023.kz arnaıy saıty arqyly onlaın formatta da shalýǵa bolady. Onlaın qurban shalǵysy keletinde atalǵan saıtta qurbandyqqa shalynatyn maldy tańdap, oǵan qajet qarajatty sonda kórsetilgen rekvızıtter boıynsha aýdaryp jibere alady.
Almaty qalasynda qurbandyq shalýǵa ruqsat etilgen oryndar:
Alataý aýdany boıynsha:
1. «Myrzahmet» meshiti. «Qarasý» y/a, Soltústik aınalym k-si, 15 úı.
2. «Ásker ata» meshiti. Áıgerim-1 y/a, Benberın k-si, 18/4.
3. «Alǵabas» meshiti. Alǵabas y,a; Aqbópe k.,6.
Áýezov aýdany boıynsha:
1. «Taýgúl» meshiti. Taýgúl-3 y/a, Parımbetov k-si, 9a.
Bostandyq aýdany boıynsha:
1. «Baqytkeldi» meshiti. Han-Táńiri y/a, Dýlatı, 27/11.
Medeý aýdany boıynsha:
1. Almaty Ortalyq meshiti. Pýshkın k-si, 16.
2. «Omar ıbn Ál Hattab» meshiti. Jýkov k-si, 136 a.
3. «Amanqul ata» meshiti. T.Bıgeldınov k-si, 5
4. «Fatıma» meshiti. Sh.Jánibek k-si 148.
5. «Raıymbek batyr» meshiti. Dýman-1 y/a, Han Táńiri k-si, 15.
6. «Arafat» meshiti. Ibragımova k-si, 5 a
Naýryzbaı aýdany boıynsha:
1. «Qalqaman» meshiti. Qalqaman-2 y/a, Aspandıarov k-si, 84.
Túrksib aýdany boıynsha:
1. «Qaırat» meshiti. Qaırat y/a, Sarymýldaev k-si, 22.
Jetisý aýdany boıynsha:
1. «Vaınah» meshiti. Aıtyqov k-si, 1a.
«Onlaın qurbandyq shalý rásimi – «Altyn Orda» bazarynyń mańyndaǵy Abaı aýylynda ornalasqan «Altyn saqa» mal bazarynda júrgiziledi. Qala turǵyndary «Altyn saqa» mal bazaryna da kelip, mal satyp alyp, sol jerde qurbandyǵyn shalýyna bolady. Qurbandyq etin qabyldaý pýnktteri qalanyń 54 meshitinde de qoıylǵan. Arnaıy muzdatqyshtar ornatylyp, refrıjerator tasymaldaý kólikterimen qamtamasyz etilmek. Qala turǵyndary óz úıine jaqyn meshitterge baryp, qurbandyq etterin ótkize alady», - dedi Almaty Ortalyq meshiti ımamynyń orynbasary Rýslan Qaıyrgeldi.
Qasıetti merekede balalarǵa da nazar aýdarylady, dep atap ótti Bostandyq aýdany «Báıken» meshitiniń bas ımamy Danıar Jumabaev. Almatyda Qurban aıt merekesi kelesideı atalyp ótpek:
1. Almaty qalasyndaǵy meshitterde Qurban aıtqa qatysty merekelik sharalar ıaǵnı, merekelik dastarhan jaıý, balalarǵa aıttyq taratý, búldirshinder úshin arnaıy batýt qurý, ulttyq oıyndar t.b. uıymdastyrylady.
2. Qurban aıt merekesine oraı, Almaty Ortalyq meshiti, «Beket ata», «Myrzahmet», «ál-Mádına», «Abdýlla», «Raıymbek batyr», «Nur-Múbarak», «Yntymaq» jáne «Muhamed ál-Ámın» meshitteriniń aýlalaryna kıiz úıler quryp, jamaǵatqa dástúrge saı dám usynylatyn bolady.
3. «Nur», «Qystaýbaıuly Manas», «Qarasaı batyr», «Baqytkeldi», «Ál-Hamıd» «Raıymbek batyr», «Qaraǵaıly», «Túrkisb», «Ásker ata», «Arafat», «Orbıta» jáne «Nur» (Aqjar) meshitterinde muqtaj otbasylarǵa aıttyq qorjyndary taratylady.
4. Áýezov aýdanynda «Taýgúl» meshitiniń asqanasynda aqsaqaldar men apalarǵa aıttyq dastarhan jaıylady.
5. Alataý jáne Naýryzbaı aýdandary Balalar úıine arnaıy baryp, balalarǵa aıttyq bazarlyq taratyp, aıt merekesimen quttyqtaý uıymdastyrylady.
6. Bostandyq, Túrksib aýdandary Qarttar úıine arnaıy aıttyq dastarhan jaıyp, merekelik shara uıymdastyrmaq.
7. Áıel-qyzdary sektorynyń uıymdastyrýymen Almaty Ortalyq meshitinde qaıyrymdylyq jármeńkesi ótedi.