Almaty qalasynyń TJD qala turǵyndaryn jylytý quraldary men gaz balondarynyń jumysyn qadaǵalaýǵa shaqyrady
Kún sýyǵan kezde órt jáne gaz ıisinen ýlaný jaǵdaılary jıileı túsedi. Júrgizilip jatqan profılaktıkalyq sharalarǵa qaramastan, mundaı jaǵdaılar, ókinishke qaraı, jyldan-jylǵa qaıtalanyp keledi. Bul týraly Óńirlik komýnıkasıalar qyzmetinde ótken brıfıńte Almaty qalasy TJD Memlekettik órt baqylaý basqarmasynyń basshysy Erbolat Tórtqaraev aıtty, dep habarlaıdy Almaty-akshamy.kz.
TJD málimeti boıynsha, jyl basynan beri Almaty qalasynyń aýmaǵynda órt sanynyń ótken jylmen salystyrǵanda 11%-ǵa azaıǵany baıqalǵan. Mysaly, bıyl 663 órt oqıǵasy tirkelgen, onyń ishinde 150 adam qutqaryldy, qaýipti aımaqtardan 651 adam evakýasıalandy, sonymen qatar, 2 mlrd teńgeden astam somanyń múlkin qutqarý múmkin boldy.
Spıker órttiń negizgi kólemi (54%, nemese 342 jaǵdaı) jeke sektorda bolatynyn atap ótti. Sonymen birge, ol órttiń jeke sektorda shyǵýynyń negizgi sebepterin tizip berdi:
- Elektr quraldaryn paıdalaný men montajdaý erejelerin buzý – 188 jańdaı nemese 55%;
- otpen oınaý (otqa baıqaýsyz, abaısyz qaraý) – 62 jaǵdaı nemese 18%;
- peshterdi paıdalaný kezinde órt qaýipsizdigi erejelerin buzý – 38 jaǵdaı nemese 11%;
- Órttiń basqa sebepteri – 34 jaǵdaı, órt qoıý – 20 jaǵdaı.
«Biz qaıǵyly jaǵdaılarǵa qatysty taldaý júrgizdik, onyń nátıjesinde kóptegen órt oqıǵalary men adamdardyń gaz ıisinen ýlanýy zardap shegýshilerdiń jylytý aspaptary men gaz quraldarynyń paıdalaný kezinde nemquraılyǵynan bolyp jatady. Almaty qalasy boıynsha qatty otynmen jylytylatyn 2791 úı esepke alyndy, órt kezinde janǵan azyq-túlikten 10 adam ýlandy (4 oqıǵa)», - dep tolyqtyrdy E.Tórtqaraev.
Onyń aıtýynsha, turǵyndar tútin shyǵatyn murjalardyń bitelip qalý jaǵdaılaryn teksermeıdi, tútin shyǵatyn murjalardy durys baılanystyrmaıdy. Gaz plıtalaryn da qaraýsyz qaldyrǵan turǵyndar da kezdesken jaǵdaılar bolǵan. Qaıǵyly jaǵdaılar gaz qurylǵysyn durys qoldanbaǵannan, gaz shyǵyp turýdan, sonymen qatar, rezına shlangysynyń tozýynan jáne gaz balondaryn durys saqtamaýdan bolady.
«Gaz balondary men gaz qurylǵylaryn tek osy ónimderdi satýǵa arnalǵan sertıfıkattary bar arnaıy uıymdardan alýǵa shaqyramyz. Janar-jaǵarmaı jáne gaz quıý beketterinde balonnyń shamadan tys tolýyn boldyrmaý úshin, onyń salmaǵy ólshenbeıdi. Gaz qurylǵylaryn, sonyń ishinde gaz balondaryn bógde adamdardan satyp almańyzdar. Gaz qurylǵysyn mamandar qyzmetine júgine otyryp, tekserińizder. Jeldetkish kanaldardyń durystyǵyn baqylańyz, úı-jaıdy únemi jeldetip otyryńyzdar, ásirese, uıyqtar aldynda», - dep eske saldy spıker.
2022-2023 jj. jylytý maýsymynda órtti jáne adamdardyń zardap shegýin boldyrmaý maqsatynda Almaty qalasy TJD kelesi erejelerdi saqtaýǵa keńes beredi:
- gaz quraldaryn paıdalaný kezinde qaýipsizdik sharalaryn saqtaý;
- jylytý peshteri men gaz qurylǵylarynyń janyna jıhaz nemese basqa da janatyn zattardy jaqyn qoımaý, sondaı-aq, kıim men otyndardy keptirmeý;
- durys jumys istemeıtin, buzylyp turǵan elektr rozetkalaryn, elektr aspaptaryn paıdalanbaý;
- elektr plıtalar, útikter, elektr sháınekter jáne kerosın aspaptaryn janbaıtyn jerge qoıý;
- pesh konstrýksıasyndaǵy jaryqtar men ketikterdi sylaý, murjalardy kúıeden tazartý;
- árbir peshtiń jaǵatyn esiginiń aldyna kólemi keminde 50h70 sm bolatyn qańyltyr shegelep qoıý.