Jeńimpazdaryna aqshalaı sertıfıkattar tabystaldy.
Astanada «Eńbek joly» respýblıkalyq baıqaýynyń jeńimpazdary men eńbek ardagerlerin marapattaý rásimi ótti, dep habarlaıdy Almaty-akshamy.kz7
«Atalmysh konkýrs jyl saıyn QR Eńbek jáne halyqty áleýmettik qorǵaý mınıstrliginiń bastamasymen uıymdastyrylady. Eńbek adamdarynyń jumysyn nasıhattaý maqsatynda «Úzdik eńbek áýleti», «Jumys isteıtin jastardyń úzdik tálimgeri» jáne «Óndiristiń úzdik jas mamany» atty nomınasıalary boıynsha marapattalady», - delingen mınıstrliktiń baspasóz qyzmetiniń habarlamasynda.
Marapattaý rásimi aldynda ashyq talqylaý sesıasy ótip, shara barysynda Qazaqstannyń Eńbek Eri ataǵynyń ıegerleri Serik Aqsholaqov, Aıagúl Mırazova men Ryshat Amrenovtar elimizdiń ár óńirinen kelgen jastarǵa eńbek tájirıbelerimen bólisip, suraqtaryna jaýap berdi.
Tamara Dúısenova saltanatty sharanyń ashylýynda eńbek adamdarynyń memleket pen qoǵamnyń damýyna qosyp jatqan úlesterin erekshe atap ótti.
Mınıstr «Eńbek ardageri» medaldaryn eńbek ardagerleri Janargúl Magýlovaǵa, Kabdýlman Imambekovke jáne Kúnimbala Baıahmetbaevaǵa tapsyrdy.
Bıyl «Eńbek joly» konkýrsyna úmitkerlerden ótinimderdi qabyldaý 1 sáýirden bastaldy. «Úzdik eńbek áýleti» nomınasıasyna 163 ótinim, «Jumys isteıtin jastardyń úzdik tálimgeri» nomınasıasyna 179 ótinim, al «Óndiristiń úzdik jas mamany» nomınasıasyna 180 ótinim kelip tústi.
Konkýrstyń laýreattary respýblıkalyq komısıanyń otyrysynda jarystyń aımaqtyq kezeńinde jeńimpaz atanǵandardan irikteldi. Komısıa quramyna QR Eńbek jáne halyqty áleýmettik qorǵaý mınıstrliginiń ókilderi, QR Parlament depýtattary, áleýmettik seriktester, «Atameken» UQP men QR Aqparat jáne qoǵamdyq damý mınıstrliginiń «Qoǵamdyq kelisim» RMM ókilderi kirdi.
«Úzdik eńbek áýleti» nomınasıasy boıynsha Abaı oblysynyń Týkýbaevtar áýleti jeńimpaz atandy. Ekinshi oryndy Shyǵys Qazaqstan oblysynyń Kovalevtar áýleti, al úshinshi oryndy ulytaýlyq Bekmaǵanbetovtar áýleti qanjyǵasyna baılady.
"Jumys isteıtin jastardyń úzdik tálimgeri" atalymyn Almatydan kelgen Lúdmıla Hvostova ıelense, ekinshi jáne úshinshi oryndy Erǵazy Turlybekov (Qaraǵandy oblysy) pen Jumabaı Abdýlov (Atyraý oblysy) aldy.
"Óndiristiń úzdik jas mamandary" ataǵyn Pavlodar oblysynan Naýryzbek Daken (1-oryn), Almaty oblysynan Sultan Áýken (2-oryn) jáne Aqmola oblysynan Nurqasym Baıshýaqov (3-oryn) ıelendi.
Konkýrs jeńimpazdaryna aqshalaı sertıfıkattar tabystaldy: 1 orynǵa – 1 mln teńge, 2 orynǵa – 500 myń teńge jáne 3 orynǵa – 300 myń teńge.
QR Eńbek jáne halyqty áleýmettik qorǵaý mınıstrligi 2016 jyldan beri eńbek áýletteri men óndiris jumysshylarynyń arasynda «Eńbek joly» respýblıkalyq konkýrsyn uıymdastyrýda. Onyń basty mindeti – eńbek adamdary jaıly oń qoǵamdyq pikir qalyptastyrý jáne kásiporyndar men mekemelerde jańa eńbek áýletteriniń qalyptasýyna jaǵdaı jasaý.