Bul tásil qarajatty bólýdiń ashyqtyǵyn qamtamasyz etedi.
Qazaqstandyq fermelerdiń elektrondyq formatta qyzmet alýǵa múmkinligi artyp keledi. «AÓK sýbsıdıalaýdyń biryńǵaı memlekettik aqparattyq júıesin» tehnıkalyq pysyqtaý aıaqtalýǵa jaqyn. Sıfrlyq platforma qurý jónindegi bastama QR Aýyl sharýashylyǵy mınıstrligine tıesili, dep habarlaıdy Almaty-akshamy.kz Baq.kz silteme jasap.
SBMAJ tolyǵymen avtomattandyrylǵan jáne AÓK sýbsıdıalaý boıynsha barlyq memlekettik qyzmetterdi elektrondyq formatta tegin kórsetýge múmkindik beredi. Avto esepteýlerdiń modýli ótinimdi qabyldaý kezeńinde de qoldanystaǵy normalarǵa sáıkes, adamnyń qatysýysyz tıisti tólemdi esepteýge múmkindik beredi. Ótinimderdi berýdiń, sýbsıdıalardy óńdeýdiń jáne alýdyń biryńǵaı núktesi gosagro.kz saıtynda bolady.
Fermerlerge yńǵaıly bolý úshin sýbsıdıa alýdyń oryndylyǵyn rastaý týraly qosymsha anyqtamalar berý qajettiligi alynyp tastaldy, óıtkeni júıe basqa memlekettik organdarmen ıntegrasıalanatyn bolady. Mysaly, SBMAJ aýyl sharýashylyǵy mınıstrliginiń jer ýchaskeleri, aýyl sharýashylyǵy janýarlary, tehnıka jónindegi derekqorlarynan Qarjy mınıstrliginiń elektrondyq shot-faktýralar, kooperatıv músheleri týraly málimetterge, sondaı-aq Ádilet mınıstrligi, Sıfrlyq damý mınıstrligi men İshki ister mınıstrliginiń derekqorlaryna qol jetkize alady. Buǵan qosa qurylysta memlekettik saraptama júrgizý týraly derekterdi alý úshin «E-JSQ» aqparattyq júıesimen ıntegrasıalaý jumystary bastaldy.
Sýbsıdıalaýdyń biryńǵaı aqparattyq júıesi búdjettiń bolýyna qaramastan ótinimge rettik nómir bere otyryp, «kútý paraǵy» qaǵıdaty boıynsha jumys isteıtin bolady. Búdjet fermer tarapynan qosymsha is-qımylsyz «kútý paraǵynda» ótinimderdiń kezektiligi boıynsha ǵana bólinedi. Bul tásil qarajatty bólýdiń ashyqtyǵyn qamtamasyz etedi jáne sýbsıdıalardy tóleý kezinde adamı faktordy boldyrmaıdy. «Kútý paraǵyna» kelip túsken ótinim maquldanǵan bolyp esepteledi jáne tek tıisti qarjylandyrýdy kútedi.
Aıaqtalatyn tehnıkalyq jumystardy eskere otyryp, kórsetiletin memlekettik qyzmettiń SBMAJ aqparattyq júıesi aıqyndaıtyn barlyq sýbsıdıalaý qaǵıdalaryna tıisti ózgerister engizildi.
Normatıvtik-quqyqtyq aktiniń jobasy tirkeý satysynda tur. Osylaısha, NQA tirkelgen sátten bastap sýbsıdıalaý qyzmetteri «AÓK sýbsıdıalaýdyń biryńǵaı memlekettik aqparattyq júıesinde» kórsetiletin bolady.
Osynyń barlyǵy memlekettik qoldaý júıesin fermerler úshin odan da qoljetimdi jáne yńǵaıly etedi, sondaı-aq sýbsıdıalar alý kezinde sybaılas jemqorlyq táýekelderin tolyǵymen joıady.