«Elderimiz ben halyqtarymyzdyń turaqtylyǵy men órkendeýin qamtamasyz etkimiz kelse, qazirgi geosaıası týrbýlenttilik pen ekonomıkalyq syn-qater bizden TMU sheńberinde kelisilgen kúsh-jigerdi talap etedi. Sondyqtan elimiz Taıaý Shyǵystaǵy zorlyq-zombylyqtyń ýshyǵýyna qatty alańdaıdy. Biz halyqaralyq qaýymdastyqpen yntymaqtastyqqa qosylamyz jáne Izraıl men HAMAS arasyndaǵy atysty dereý toqtatýǵa shaqyramyz», - dedi M. Nurtileý Túrki memleketteri uıymy syrtqy ister mınıstrleri keńesiniń otyrysynda.
Mınıstrdiń aıtýynsha, Gaza halqy úshin gýmanıtarlyq dáliz ashý - qazaqstandyq dıplomatıanyń birinshi kezektegi mindeti, ol qandaı da bir aldyn ala shartsyz oryndalýǵa tıis.
«Qaqtyǵys taraptary Taıaý Shyǵysta ǵana emes, búkil álemdegi turaqtylyq pen qaýipsizdik úshin beıbit kelissózge nazar aýdaryp, BUU-nyń tıisti qararlaryna sáıkes «Eki halyq úshin eki memleket» formýlasyn qoldaýy kerek. Shynynda da, qazirgi jaǵdaı buryn-sońdy bolmaǵan jáne ony esh boljaý múmkin emes. Osyǵan qaramastan Qazaqstan BUU Jarǵysynda jáne halyqaralyq quqyqta bekitilgen qundylyqtar men qaǵıdattardy berik ustanyp, teńgerimdi, kópvektorly syrtqy saıasatty júrgizýdi jalǵastyra beredi», - dedi Murat Nurtileý.
Aıta keteıik, Astanada Túrki memleketteriniń syrtqy ister mınıstrleri bas qosty. Otyrys jabyq formatta ótýde.
Búgin elordada Túrki memleketteri uıymynyń (TMU) mereıtoılyq H samıti ótedi.
Bul jıynǵa Túrki memleketteri uıymyna múshe Ázerbaıjan, Qyrǵyzstan, Túrkıa, Ózbekstan prezıdentteri, sondaı-aq TMU-daǵy baqylaýshy memleketter – Majarstan men Túrikmenstan basshylary qatysady.
Samıt «Túrki dáýiri» uranymen ótetin joǵary deńgeıdegi pikirtalastar úshin mańyzdy alań bolady.