Gaz tutyný júıeleri men gaz jabdyqtaryn paıdalaný kezindegi qaýipsizdik

Almaty qalasy Komýnaldyq ınfraqurylymdy damytý basqarmasy (budan ári - Basqarma) «Gaz jáne gazben jabdyqtaý týraly» Qazaqstan Respýblıkasy Zańynyń 7-babyna sáıkes, turmystyq jáne komýnaldyq-turmystyq tutynýshylardyń gaz tutyný júıeleri men gaz jabdyqtaryn, sondaı-aq áleýmettik ınfraqurylym obektilerindegi turmystyq balondardy qaýipsiz paıdalaný talaptarynyń saqtalýyna memlekettik baqylaýdy júzege asyrady, dep habarlaıdy Almaty-akshamy.kz. 

Qazaqstan Respýblıkasy Prezıdentiniń 2019 jylǵy 26 jeltoqsandaǵy № 229 Jarlyǵyna sáıkes, ortalyq memlekettik jáne jergilikti atqarýshy organdar 2020 jylǵy 1 qańtardan bastap 2024 jylǵy 1 qańtarǵa deıin shaǵyn kásipkerlik sýbektilerin, onyń ishinde mıkro kásipkerlik sýbektilerin aralaı otyryp, tekserýler men qadaǵalaýdy toqtatyldy.

Gaz jáne gazben jabdyqtaý salasyndaǵy memlekettik baqylaý QR Kásipkerlik kodeksine sáıkes júrgiziledi.

2023 jyldyń basynan bastap Basqarma mamandary 8 obektige jospardan tys tekserýler júrgizdi, onyń ishinde 2 obektige aıyppul salyndy.

Sondaı-aq, halyqtyń ómiri men densaýlyǵyna jappaı qaýip tóndiretin tótenshe jaǵdaılardyń aldyn alý úshin áleýmettik ınfraqurylym obektilerinde bir jyl ishinde (birinshi jáne ekinshi jartyjyldyqta) Tótenshe jaǵdaılar departamentimen, Almaty qalasy Polısıa departamentiniń Jergilikti polısıa qyzmeti basqarmasymen birlesip gaz jabdyqtaryn, qazandyqtardy, balondardy jáne qysymmen jumys isteıtin ydystardy qaýipsiz paıdalaný sharalary boıynsha úgit-nasıhat aılyqtary ótkiziledi. Atalǵan is-sharalar sheńberinde shyǵýlar uıymdastyrylady, aqparattyq-túsindirý jumystary júzege asyrylady jáne gaz jabdyqtaryn qaýipsiz paıdalaný boıynsha aqparattyq jadynamalar beriledi.

Osyǵan baılanysty Basqarma Zańnyń 19-babynyń 1 jáne 3-tarmaqtaryna sáıkes, gaz tutyný júıeleri men gaz jabdyqtarynyń ıeleri olardyń tıisti tehnıkalyq jaı-kúıi men qaýipsizdigin qamtamasyz etýge mindetti ekenin eske salady.

Komýnaldyq-turmystyq jáne turmystyq tutynýshylar taýarlyq nemese suıytylǵan munaı gazyn berýdi júzege asyratyn gaz taratý uıymymen nemese toptyq rezervýarlyq qondyrǵylardyń ıesimen ne Qazaqstan Respýblıkasynyń ónerkásiptik qaýipsizdik salasyndaǵy zańnamasyna sáıkes ónerkásiptik qaýipsizdik salasyndaǵy jumystardy júrgizý quqyǵyna atestattalǵan, gaz tutyný júıelerine tehnıkalyq qyzmet kórsetýdi júzege asyratyn mamandandyrylǵan táýelsiz uıymmen ózderine tıesili gaz tutyný júıelerine tehnıkalyq qyzmet kórsetýge arnalǵan shart jasasýǵa mindetti.

Sondaı-aq, turmystyq jáne komýnaldyq-turmystyq tutynýshylar (paıdalanýshylar) «Gazben jabdyqtaý júıeleri obektileriniń qaýipsizdigi jónindegi talapty» (QR İİM 2017 jylǵy 9 qazandaǵy № 673 buıryǵymen bekitilgen) saqtaýy tıis.

Suıytylǵan munaı gazymen balondaryn:

1) turǵyn úı bólmeleri men dálizderde;

2) irgelik jáne jertóle úı-jaılar men shatyrlarda;

3) qoǵamdyq tamaqtaný kásiporyndarynyń asqanalyq jáne saýda zaldarynyń, aýdıtorıalar men oqý synyptarynyń, ǵımarattardyń kórermen (akt) zaldarynyń, aýrýhana palatalarynyń, basqa da osyǵan uqsas úı-jaılardyń astynda jáne ústinde ornalasqan úı-jaılarda;

4) tabıǵı jaryqsyz úı-jaılarda;

5) avarıalyq shyǵatyn jerlerde;

6) ǵımarattyń basty qasbetteri jaǵynan;

7) qabaty eki qabattan asatyn kóp páterli turǵyn úılerde ornatýǵa jol berilmeıdi.

 Almaty qalasynyń turǵyndaryna usynamyz:

- qoldanǵannan keıin árdaıym gaz qurylǵylaryndaǵy barlyq krandardy jabyńyz;

- jeldetý torlaryn qalqalamańyz nemese jappańyz;

- álsiz tartymdy tútin murjasymen gaz peshterin jáne gaz kolonkalaryn paıdalanbańyz;

- gazdandyrý kezinde qaýipsizdik avtomatıkasymen jabdyqtalǵan jabdyqty ornatyńyz (ol ottyqtyń jalyny sóngen kezde jáne tartqysh bolmaǵan jaǵdaıda gaz berýdi, óshirýdi qamtamasyz etedi) jáne gazdyń shyǵý sıgnalızatorlaryn ornatyńyz;

- gaz jabdyǵyn aýystyrý nemese jóndeý kezinde tıisti biliktilik kýáligi bar adamdardy jumysqa jiberińiz;

- apattyq jaǵdaıda gaz qurylǵylaryn óshirińiz, terezelerdi ashyńyz bólmede jeldetý jasańyz, jaqyn jerde eshkim ot pen elektr jaryǵyn paıdalanbaýyn qadaǵalańyz (temeki shegýge, ajyratqyshtardy jáne kez-kelgen turmystyq tehnıkany qoldanýǵa tyıym salynady).

 Gaz jabdyqtaryn paıdalaný asa joǵary nazar aýdarýdy qajet etedi!

         Eger gazdyń ıisi paıda bolsa, gaz berýdi dereý toqtatyńyz, bólmeni jeldetip, «104» nemese 109 telefony boıynsha gazdyń apattyq-dıspecherlik qyzmetine qońyraý shalyńyz.

         Sondaı-aq, ÚİGJ-ǵa tehnıkalyq qyzmet kórsetý boıynsha servıstik kompanıaǵa qatysty basqarý organyna (PIK, PITK, MIB, JK, TK jáne t.b.) júginýge nemese túbirtekterde kórsetilgen baılanys nómirleri boıynsha naqtylaýǵa bolady.

Gazben jabdyqtaý júıeleri men gaz jabdyqtary obektileriniń qaýipsizdik talaptaryn buzý máseleleri boıynsha Basqarmaǵa Dostyq dańǵyly, 85, mekenjaıy boıynsha jazbasha habarlasa alasyz,
tel. 225-14-19.