Jyl bastalǵaly 23 500-den astam kólik satylǵan.
Bıyl aqpanda otandyq resmı dıllerler 12 405 jeńil avtomobıl men jeńil komersıalyq tehnıka, sonymen qatar, 710 júk kóligi men avtobýsyn satqan. Bul 2022 jylǵy aqpanmen salystyrǵanda 69,1% kóp. Al jyl bastalǵaly 23 547 kólik satylǵan, bul ótken jylmen salystyrǵanda eki ese joǵary, dep habarlaıdy Almaty-akshamy.kz Azattyq Ruhy silteme jasaı otyryp.
Úzdik brendter kóshin ádettegideı Chevrolet bastap tur. Mundaı markaly kóliktiń aqpanda 3 612 (2022 jylǵy aqpanmen salystyrǵanda +329%) modeli satylǵan. Hyundai dıllerleri 3 458 (+55,4%) mashına ótkizdi. Al 1815 avtomobıli ıesin tapqan Kia (+122,7%) úshtikti túıindep tur.
Qaýymdastyqtyń málimetinshe, Toyota modeldik toptamasyna RAV4-ti qaıtarǵannan keıin, bul marka kólik saýdasyna oń áser etipti – 873 dana (-8,5%). Al 667 mashına satqan Chery besinshi orynǵa turaqtady.
Ári qaraı tizimde Exeed (370), Haval (352; +147,9%), Jac (322; +114,7%), Changan (247) jáne Lexus (237; +41,9%) bar. Modelder qatarynda 2652 danasy ótken Chevrolet Cobalt oq boıy ozyq tur. Ekinshi oryn Hyundai Tucson (1293) enshisinde, al úshinshi orynǵa Chevrolet Nexia (710) jaıǵasty. Odan bólek tizimde Hyundai Elantra (580), Kia Sorento (553), Kia Sportage (531), Hyundai Santa Fe (520), Hyundai Accent (452), Kia Ceed (303) jáne Hyundai Sonata (292) ornalasqan.