Qazaqstanda 20 myńnan astam ǵalym bar.
Onyń 40 paıyzy - jastar. Bul Eýropa elderimen salystyrǵanda jaqsy kórsetkish deıdi mamandar. Degenmen atalǵan salanyń áli de bolsa kemshin tustary kóp. Bul týraly Ǵylymı qyzmetkerler kúnine oraı Almatyda ótken halyqaralyq konferensıada aıtyldy, dep habarlaıdy Almaty-akshamy.kz Qazaqstan.tv-ǵa silteme jasap.
Sharaǵa álemniń jetekshi oqý oryndarynyń, otandyq zertteý uıymdarynyń ǵalymdary qatysyp, salanyń damý qarqynyn talqylady. Olardyń sózinshe, búgingi tańda Qazaqstanda ǵylymdy qarjylandyrý eki esege ósken. Qyzmetkerlerdiń de jalaqylary ulǵaıyp, jas ǵalymdardyń sany kóbeıgen.
«Qazir ǵylymnyń problemalaryn qaraıtyn Ulttyq keńes bar. Qazir ǵalymdardyń statýsy týraly arnaıy zań jobasy ázirlenip jatyr. Buǵan Qazaqstandaǵy oqý oryndary, ǵylymı zertteý ortalyqtary qatysyp jatyr. Bylaısha, ǵalymnyń statýsy zańdy túrde bekitilip jatyr dep aıtýǵa bolady», - deıdi ǵalym, profesor Seıthan Azatuly.
.