Kúndelikti as kezinde jegen tamaǵymyzǵa, ishken shaıymyzǵa qant qosý búırekte tastardyń túzilý qaýpin arttyrady.
Soltústik Sychýan medısınalyq kolejiniń ǵalymdary osyndaı qorytyndyǵa keldi.
Olardyń zertteý nátıjelerin Frontiers in Nutrition jýrnaly usyndy.
Ǵalymdar 28 myńnan astam eresek áıelder men erler týraly derekterge taldaý jasady. Zertteý barysynda olar búırekterinde tastary bar ekenin aıtqan. Sonymen qatar, qatysýshylardan sońǵy kúnderi sıroptardy, baldy nemese taza qantty jegen-jemegenin bilý kerek boldy.
Frontiers in Nutrition basylymy tamaq rasıonynda qanttyń úlesi neǵurlym joǵary bolsa, búırekte tastardyń paıda bolý yqtımaldyǵy soǵurlym joǵary bolatynyn atap ótti.
Ǵalymdar sonymen qatar zertteýge qatysýshylardyń jynysyn, jasyn, salmaǵyn, tabysyn, tamaqtaný sapasyn, qant dıabetiniń bar-joǵyn jáne temeki shegý-shekpeýin qarastyrdy.
Eger kámpıtterde, balmuzdaqta nemese kondıterlik ónimderde kezdesetin qantty tutynýdy shektese, búırek tastarynyń paıda bolýyn boldyrmaýǵa bolatyndyǵy anyqtaldy.
Aýrýdyń belgileri qatty aýyrsyný, júrek aıný, qusý, qaltyraý jáne zármen birge qan shyǵý ekenin eskergen jón.
Birneshe aı buryn Natalá Mokrysheva esimdi reseılik maman búırek tastarynyń sebebi semizdik bolýy múmkin ekenin aıtqan bolatyg. Ol da qant dıabetine, birqatar júrek-qan tamyrlary aýrýlaryna, arterıalyq gıpertenzıaǵa, maıly gepatozǵa, onkopatologıa men bedeýliktiń damýyna ákeledi.
Bir ǵana sát baqyt syılaıtyn táttini, sonyń ishinde qantty tutynýdyń arty densaýlyq úshin «qatty» tıýi múmkin. Sondyqtan, aldymyzdaǵy asymyzdyń ózimizdiń densaýlyǵymyzǵa keri áseri bolmaıtynyna asa mán bergen durys bolar.
materıal REN-tv saıtynda jarıalanǵan materıal negizinde ázirlendi