Osy arqyly jas óren qamys órtin azaıtýǵa bolady deıdi.
Jas ónertapqysh qamysty qurylys materıaly retinde paıdalanyp, kádege jaratýdy usynyp otyr. Sol arqyly qamys órtinen keletin qaýipti azaıtyp, ekologıa máselesin retteýge jol ashylady deıdi ol.
24.kz arnasynyń aqparatynsha, Janel Shaıdolla qamys órti jıi bolatyn Damby aýyldyq okrýginde turady. Teńiz jaǵasyndaǵy qamys jansa, aldymen osy eldimeken turǵyndary ábigerge túsedi. Bıyl 10-synypqa baratyn jas ónertapqysh bul máseleni zerttep, sheshý jolyn tapty, dep habarlaıdy Almaty-akshamy.kz.
«Birneshe apta buryn qamys órti bolǵan edi. Onyń áserinen qorshaǵan ortaǵa, adam densaýlyǵyna zıan keldi. Bul jaıt birneshe ret qaıtalanyp otyr jáne osy jaıttyń aldyn alý úshin osylaı qamystan shatyr jasaýǵa bolady. Iaǵnı ıaǵnı osylaısha bul problemany sheshe alamyz. Qorshaǵan ortaǵa emes, sý resýrsyna da zıan keltirip otyr. Osy birneshe apta buryn bolǵan jaıtta 167 ret 500 tonnadan astam sý osy órtti sóndirýge ketken», - deıdi jas ónertapqysh Janel Shaıdolla.
Shetelde qamys qurylys materıaly retinde kóp qoldanylady. Budan shatyr daıyndaýǵa bolady. Tipti qamys aralastyryp quıylǵan betondardan úıdiń qabyrǵasyn da turǵyzyp jatady. Ony eksporttap, tabys kózine aınaldyrýǵa bolady, deıdi oqýshy. Osylaısha qamys órtinen qutylýǵa múmkindik týady. Janeldiń bul bastamasy jetekshilerine unaǵan. Endi ol óz jobasyn jetildirýdi josparlap otyr.
«Qurylys materıaldardy ózimiz jasap, nege ózimiz qoldanbasqa nemese eksportqa shyǵarmasqa degen ıdeıa keldi bizge. Jalpy ata-babalarymyz osy ýaqytqa deıin qamysty úı jasaýda qoldanǵan, odan bólek shı toqyǵan, mal azyǵy retinde qoldanǵan degen sekildi kóptegen paıdaly jaqtary bar. Qamystan jasalǵan betondar, plıtalar óte tıimdi bolyp sanalady. Úıge termotıimdilik beredi. Jazdy salqyn, qysta jyly bolady», - deıd tálimger Nurgúl Imamuratova.
Atyraý aýmaǵynda sońǵy ret iri qamys órti 10 kún buryn tirkeldi. Janeldiń jobasy tereń zerttelse, kúrmeýli máseleni sheshýge kómegi tıetini sózsiz.