Búgin – 17 shilde, dúısenbide Jer betine Kún daýylynyń jaǵymsyz áseri bolýy múmkin dep eskertedi ǵalymdar.
Kún betindegi ádepkiden qýatty jarylys úsh birdeı Kún alaýyn paıda qylǵan. Odan shyqqan daýyl Jerge jaǵymsyz áserlerimen jetedi.
Bundaı eskertýdi Máskeýdegi Fedorov atyndaǵy qoldanbaly geofızıka ınstıtýtyniń ǵalymdary jasaǵan. Instıtýt ǵalymdarynyń málimdemesine jeksenbide Kún betinen baıqalǵan úsh birdeı úlken alaý sebep bolǵan. Buny X klasyndaǵy alaýlar, sonyń ishinde protondyq alaýlardyń bolýy múmkin dep boljap otyr. Onyń Jerdegi áseri qysqa tolqyndy radıo qabyldaǵyshtardan baıqalady. Ózge de jaǵymsyz áserleri bolýy múmkin.
Shyntaýıtynda, Kún daýyly degenimiz Jerdegi kádimgi daýylǵa múlde uqsamaıdy. Ol asa qaterli radıasıalyq sáýelelerge ıe Kún energıasynyń daýyly. Eger Jerdi óziniń magnıttik órisi jáne atmosferasy qorǵap turmaǵanda, bundaı qýatty Kún daýy tirshilikti birneshe sekýnttiń ishinde joıyp jiberýi múmkin.
X klasyndaǵy alaýlar kún júıelerindegi eń úlken jarylystar bolyp tabylady jáne uzaqqa sozylatyn radıasıalyq daýyldardy týdyrýy múmkin. Protondyq alaýlar - bul negizinen protonnan turatyn kún energıasy bólshekteriniń daýyldary.