Ákim salynyp jatqan problemaly nysandardy aralap jumystardy aıaqtaýdyń naqty merzimderin atady.
Almaty ákimi Erbolat Dosaev jumys sapary aıasynda áleýmettik jáne ınjenerlik ınfraqurylymnyń problemalyq nysandaryn aralady, bularda qurylys-montaj jumystary merzimderi buzylyp júzege asyrylýda, dep habarlaıdy Almaty-akshamy.kz
Atap aıtqanda, № 9 mektep-ınternaty men balalarǵa shuǵyl medısınalyq kómek kórsetý ortalyǵynyń jańa ǵımarattary, skeıtpen syrǵanaý úshin salynyp jatqan aımaǵy bar jańa saıabaq, sondaı-aq Gagarın dańǵyly boıyndaǵy jylý magıstraliniń jóndeletin ýchaskesi bar.
Birinshi nysanda ákim sóıleý qabileti buzylǵan balalarǵa arnalǵan № 9 mektep-ınternattyń jańa ǵımaratyn qarap shyqty. Qurylys-montaj jumystary 2021 jyldyń 20 shildesinde bastaldy. Jobany túzetýdi eskere otyryp, merdigerlik uıym qurylysty ótken jyldyń sońyna deıin aıaqtaýy kerek edi. Jeltoqsan aıynda «Barat & Co» JSHS merdigerine qatysty uzartylǵan merzimdi buzǵany úshin sotqa talap aryz berildi.
Sot talqylaýynan keıin jumystar qaıta jandandy. Búgingi tańda nysan 95% - ǵa aıaqtaldy. Erbolat Dosaev qurylys jáne bilim basqarmalary basshylyǵynyń nazaryn balalardy ınklúzıvti oqytý úshin ǵımarattyń jaılylyǵyna áser etetin naqty kemshilikterge aýdardy. Ákimniń tapsyrmasy boıynsha qosymsha búdjet qarajaty bólingen oqý korpýsyn jaraqtandyrýǵa erekshe nazar aýdaryldy. Ákim atap ótkendeı, mektep aǵymdaǵy jyldyń shilde aıynyń sońyna deıin tapsyrylýy tıis jáne ákimdik barlyq sáıkessizdikter tolyq joıylǵanǵa deıin merdigerdiń jumysyn qabyldamaıdy. Sondaı – aq ákim belgilegen mindetterdiń qatarynda mektep aýmaǵynda jasyl jelekterge kútim jasaý júıesin jolǵa qoıý da bar.
Almaty ákimi qalalyq nysandardy aralaý barysynda qurylysy 2021 jyldyń tamyz aıynda bastalǵan Bostandyq aýdanyndaǵy balalarǵa shuǵyl kómek kórsetý ortalyǵynyń jańa korpýsynyń ǵımaratyn aralady. Merdiger jumysty 2022 jyldyń jeltoqsanynda aıaqtaýy kerek edi, biraq nysan ýaqytynda tapsyrylmady. Aǵymdaǵy jyldyń naýryz aıynda ákimdik paıdalanýǵa berý merzimderiniń buzylýyna baılanysty «Aq ordasy korporasıasy» JSHS-na sotqa talap aryz berdi. Nysandaǵy jumystar jańartylyp, kúsheıtilgen rejımde júrgizilýde. Búgingi tańda nysandaǵy jumystar 85% - ǵa aıaqtaldy, jabdyq 96% - ǵa satyp alyndy. Ákim jańa korpýs ǵımaratynyń qurylysyn tamyz aıynyń sońyna deıin aıaqtaýdy, bul rette jaqyn ornalasqan № 12 aýrýhanany eskere otyryp, Ortalyq ǵımaratyna biryńǵaı kirý aımaǵyn uıymdastyrý máselelerin aldyn ala pysyqtaýdy tapsyrdy. Jalpy, qýattylyǵy táýligine 300 kelýshi bolatyn jańa korpýs balalarǵa shuǵyl medısınalyq kómek kórsetý sapasyn jaqsartýǵa múmkindik beredi.
Aralaý barysynda Erbolat Dosaev Almaly aýdanyndaǵy jańa saıabaq aımaǵyna bardy. Saıabaqtyń qoǵamdyq keńistigin abattandyrý boıynsha qurylys-montaj jumystary 2022 jyldyń kókteminde aǵymdaǵy jyldyń 1 shildesinde tapsyrý merzimimen bastaldy.
Búgingi tańda jumystyń 95% oryndaldy. Kónkı parkiniń qurylysy aıaqtalý satysynda. Tekserý barysynda ákim nysannyń qurylys normalary men erejelerine tolyq sáıkestigin tekserýdi tapsyrdy. Qalalyq basqarmalar kónkı parkin salý úshin qajetti beton quıý tehnologıasyn saqtaýdy erekshe baqylaýǵa alýy kerek. Bar kemshilikter tamyz aıynyń basyna deıin joıylýy tıis. Sonymen qatar, megapolıs basshysy beıindi basqarmalardyń nazaryn saıabaqtyń jasyl qoryn odan ári damytý qajettigine aýdardy, aǵashtardy kútip ustaý men qorǵaýdy erekshe baqylaýda ustaýdy, sýarýdy, onyń ishinde aǵymdaǵy aýa raıy jaǵdaılaryn eskere otyryp qamtamasyz etýdi tapsyrdy.
Sondaı-aq, qala ákimi Gagarın dańǵyly boıyndaǵy jylý kesheni-1-6-dan jylý energıasynyń ortalyq tranzıttik-bólý pýnktine deıingi jylý magıstralin qaıta jańartý qarqynyn tekserdi.
Buǵan deıin turǵyndar júrgizilip jatqan jumystardyń tómen qarqyny týraly habarlaǵan bolatyn. Osy ýchaskede jylý magıstraliniń 17 zaqymdanýy anyqtaldy, osy jyldyń maýsym aıynda kúrdeli jóndeý bastaldy. Qazirgi ýaqytta Gagarın dańǵylynda transheıany ázirleý jumystary 100% aıaqtaldy, qubyrlardy odan ári tóseý arqyly qurama ótpeıtin arnanyń tómengi naýalarynyń negizin daıyndaý jáne montajdaý jumystary júrgizilýde. Ákim Gagarın dańǵylyndaǵy jumysty aıaqtap, tamyz aıynyń sońyna deıin qozǵalysty ashýdy tapsyrdy. Almaty ákimi jylý energıasyn qaıta bólý jáne ony qala turǵyndaryna jetkizý úshin baılanystyrýshy bolyp tabylatyn osy magıstraldyń mańyzdylyǵyn atap ótti. Bul magıstral jyl boıy 60 nysandy jylýmen qamtamasyz etedi, oǵan 19 kóppáterli turǵyn úı, eki balabaqsha jáne basqa 39 nysan kiredi.
