Almaty ákimi Erbolat Dosaev jumys sapary aıasynda Esentaı ózeni arqyly ótetin kópirdi qaıta jańartý barysymen tanysty, dep habarlaıdy almaty-akshamy.kz
Kópirdi tekserý kezinde ákimge ony kúsheıtý jumystary týraly baıandaldy. 2020 jyly qurylymnyń jaǵdaıy apatqa deıingi dep tanyldy. Saraptamalyq zertteý nátıjesinde anyqtalǵan aqaýlar kópirdiń júk kótergishtigi men qaýipsizdigine áser etti. Jóndeý jumystary sheńberinde rıgel kúsheıtiledi, aralyq qurylystyń plıtalary jańartylady, 96 Arqalyq aýystyrylady, sondaı-aq asfáltbeton jabyny salynady. Qaıta qurý jumystary úsh kezeńnen turady. Búgingi tańda jumystyń ekinshi kezeńi júrgizilýde. Kópirdegi qozǵalys kezeń-kezeńimen ashylady: búginde ýchaskeniń ońtústik jaǵyndaǵy kópirde jumys júrgizilip, qozǵalys ashyq.
Kúzde kezekti oqý jyly bastalyp, kólik aǵyny ulǵaıatynyn eskersek, megapolıs basshysynyń tapsyrmasy boıynsha qurylys brıgadalary eki aýysymda jumys isteıdi. Bul kólik kópirin jóndeý jumystaryn tamyz aıynyń sońyna deıin, ıaǵnı normatıvtik merzimnen 2 ese erte aıaqtaýǵa múmkindik beredi. Esterińizge sala keteıik, kópirdi jóndeý 6 maýsymda bastalǵan bolatyn. Osylaısha, 6-7 aıdyń ornyna qaıta qurý merzimi 3 aıdy quraıdy. Bul rette qurylys normalary men qaýipsizdik qaǵıdalary tolyq saqtalǵan kezde jumystar júrgiziledi.
Qaıta qurýdyń mańyzdy nátıjesi kólik jolaqtarynyń sanyn aǵymdaǵy 6-dan 8-ge deıin ulǵaıtý arqyly kópirdiń keńeıýi bolady, ıaǵnı ár baǵytta 4 jolaq. Bul velo-jaıaý júrginshiler kópirin negizgi kólikten bólek qurylystarǵa aýystyrýdyń arqasynda múmkin boldy. Erbolat Dosaev erekshe qajettilikteri bar adamdar úshin pandýstardy ornatýdyń mańyzdylyǵyna jaýapty oryndaýshylardyń nazaryn aýdardy.
Tekserý qorytyndysy boıynsha megapolıs ákimi Erbolat Dosaev kólik kópirin 1 qyrkúıekten bastap iske qosýdy tapsyrdy. Jaıaý júrginshiler kópirlerin salý jumystary qazan aıynyń ortasyna deıin aıaqtalady. Sonymen qatar, qala basshysy kelesi jyldyń aqpan aıyna deıin qala turǵyndarynyń jaılylyǵy úshin irgeles aýmaqty abattandyrý boıynsha birqatar tapsyrmalar berdi.