Otandasymyz álemdik dodada qola medaldi jeńip aldy.
Qazaqstandyq balýan Almat Kebispaev Oslodo ótip jatqan álem chempıonatynyń qola júldesine ıe boldy, dep habarlaıdy Almaty-akshamy.kz Olympic.kz-ke silteme jasap.
Norvegıada kúres túrlerinen álem chempıonatynyń sońǵy jarys kúninde Qazaqstan qorjynyna qola medal tústi.
Almat Kebispaev grek-rım kúresinen 67 kelige deıingi salmaq dárejesinde synǵa túsip, jubanysh beldesýinde Mýrat Fıratty (Túrkıa) 7:4 esebimen jeńip, qola júldege ıe boldy. Nátıjesinde quramanyń kóshbasshysy Almat Kebispaev álem chempıonatynyń bes dúrkin júldegeri atandy.
Aıta keterligi, Almat Kebispaev buǵan deıin grek-rım kúresinen álem chempıonatynyń bir kúmis jáne úsh qola medalin jeńip alǵan.