Brıtan ǵalymdary osyndaı boljam jasap otyr.
Sol úshin olar osy bastan vaksına jasaý isin jetildirýdi qolǵa alǵan, dep habarlaıdy Almaty-akshamy.kz.
Maqsat - jańa keselge qarsy ekpeni qysqa ýaqyt ishinde ázirleýdi úırenip, indettiń taralýyna jol bermeý.
24.kz saıtynyń aqparatynsha, Ulybrıtanıada jańa indetke qarsy vaksına jasaý jumysy Ýıltshır graftyǵyndaǵy Porton-daýn zerthanasynda júrgizilip jatyr. Ǵylymı jobaǵa 100-den asa maman jumyldyrylǵan. Aıtýlarynsha jańa indet 3 jyl burynǵy koronavırýs sıaqty janýardan taraýy múmkin. Osyny negizge ala otyryp qaýipti vırýstardyń tizimi jasalǵan.
«Qazir biz álemde jańa pandemıanyń týý qaýipin zerttep jatyrmyz. Bul bir jaǵynan adamdardyń qalalarǵa kóptep shoǵyrlanýymen baılanysty. Mysaly, qus tumaýyn alaıyq. Klımattyń ózgerýi de jańa indettiń shyǵý qaýipin arttyrýy yqtımal. Sondyqtan mundaı jaǵdaıdyń aldyn alý úshin ǵylymı zertteýlerdi kúsheıtýimiz qajet», - deıdi Ulybrıtanıa Ulttyq densaýlyq saqtaý qyzmetiniń atqarýshy dırektory Djennı Harrıs.
Brıtandyq ǵalymdar tereń zerttep jatqan keselderdiń arasynda qus tumaýynan bólek maımyl sheshegi, tyshqan bezgegi sıaqty vırýstar bar. Mamandar bul aýrýlar jańa pandemıanyń paıda bolýyna ákelýi ábden múmkin -deıdi.
«Jahandyq jylynýdyń saldary jyl saıyn kúsheıip keledi. Mysaly biz masa men kene arqyly taraıtyn aýrýlardyń ózgeriske ushyraýyna kýá bolyp jatyrmyz», - deıdi Ulybrıtanıa Ulttyq densaýlyq saqtaý qyzmetiniń bas ǵylymı qyzmetkeri Izabel Olıver.
Ǵalymdar jańa keselge qarsy vaksınany 100 kún ishinde jasap shyǵarýdy maqsat etedi. Ortalyq mamandarynyń bul iste tájirıbesi mol. Zerthana Kongo-Qyrym qandy bezgegine qarsy alǵash bolyp ekpe jasap shyǵarǵan. Qazir vaksınany synaý jumystary júrip jatyr.