Qazaqstannyń 1432 aýylynda mobıldi ınternet joq. Bul týraly QR Sıfrlyq damý, ınovasıalar jáne aeroǵarysh ónerkásibi vıse-mınıstri Asqat Orazbek aıtyp berdi, dep habarlaıdy almaty-akshamy.kz.
Mınıstrlik atap ótkendeı, 2023 jylǵy 1 qańtardaǵy jaǵdaı boıynsha elde 6 406 eldi meken bar, onyń 6 290-y aýyl mártebesine ıe.
Qazirgi ýaqytta 116 qala men 4 858 aýyl 3G (2 813 aýyl) jáne 4G (2 045 aýyl) mobıldi tehnologıalary boıynsha Internetke qol jetkizip otyr. Sondaı-aq ADSL tehnologıasy boıynsha Internetpen 1 950 aýyl jáne talshyqty-optıkalyq baılanys jelileri tehnologıasymen 2 606 aýyl qamtamasyz etildi.
«Búgingi tańda mobıldi ınternetsiz 1432 aýyl qalyp otyr, onyń ishinde 504 aýyldy 2023 jyldan bastap spýtnıktik júıeler arqyly qamtamasyz etý máselesi pysyqtalýda», - dedi Senattyń Qarjy jáne búdjet komıtetinde ótken otyrysynda Asqat Orazbek.
Vıse-mınıstr Úkimettiń «Qoljetimdi Internet» ulttyq jobasyn bekitkenin, onyń aıasynda 2024-2027 jyldary talshyqty-optıkalyq baılanys jelileri arqyly 3 myńnan astam aýyldy, onyń ishinde mobıldi ınterneti joq 928 aýyldy ınternetpen qamtý josparlanǵanyn atap ótti. Jalpy ulttyq jobany iske asyrý úshin 1 499,9 mlrd teńge qarastyrylǵan.