Álemdik tendensıanyń yqpaly bolar, onyń ústine jaqsy tehnıkalyq sıpattamasy bar elektr kóligin ákelý kezinde memlekettik tólem túrlerinen bosatý suranysty arttyrdy.
Negizi kásipkerlik qyzmetke jatpaıtyn jeke paıdalanýǵa jylyna tek bir mashınany kirgizýge ruqsat bar, dep habarlaıdy almaty-akshamy.kz. Alaıda is júzinde elektr kóligi jeke paıdalaný úshin dep rásimdelgenimen, keıinnen qaıta satylǵan. Mundaı zańsyzdyqty 8 avtosalon buzǵan. Almaty qalasy boıynsha kólik prokýrorlary 34 qaıta satý oqıǵasyn anyqtady. Nátıjesinde memleketke kelgen boljamdy shyǵyn 100 mln teńgeden asqan. Mysaly, «Li Auto» (Li 7 jáne 9) markaly avtokóliktiń jaǵdaıyna toqtalar bolsaq, ýákiletti organnyń ustanymyna sáıkes, bul kólik elektromobıl sanatyna jatady. 141 avtokólikke (keden ókilderi, deklaranttar) 7 jaǵdaıda gıbrıd kody qoldanylǵan, munyń ózi búdjetke shamamen 80 mln teńgeniń negizsiz tólenýine jáne syrtqy ekonomıkalyq qyzmetke qatysýshylardyń quqyǵynyń buzylýyna ákep soqtyrǵan. Osyǵan oraı qazir shara qoldanylýda.