Fýtzaldan ulttyq qurama ekinshi týrdan keıin-aq pleı-offqa shyqty

Jarys erejesi boıynsha toptaǵy úzdik eki komanda pleı-offqa tikeleı joldama alady. Sondaı-aq taǵy 4 qurama nátıjesine qaraı úshinshi oryn alǵan komandalar arasynan irikteledi, dep habarlaıdy aqshamnews.kz.

4 upaıy bar otandastarymyz Jańa Zelandıaǵa qarsy oıynda qandaı esep tirkelse de, 1/8 fınalǵa aıqyn shyǵyp tur. Úshinshi orynnan tómen syrǵymaıdy. Sebebi qazir úshinshi orynda turǵan úsh komandada ǵana upaı bar. Al tórtinshi qurama 4 upaı jınap úlgermeıdi.

1/8 fınalǵa Qazaqstannan bólek, Argentına, Brazılıa, Iran, Ispanıa, Marokko, Paragvaı, Portýgalıa, Taıland jáne Fransıa quramalary shyǵyp úlgerdi.

Aıta ketý kerek, 21 qyrkúıekte saǵat 17:30-da Qazaqstan quramasy Jańa Zelandıa quramasyna qarsy oıyn ótkizedi.  
Oıyn Tashkenttegi «Hýmo Arena» sport kesheninde ótetin bolady. 

Buǵan deıin álem chempıonatynda úzdikter qataryna engen Qazaqstan quramasyna ózbek jankúıerleriniń nege búırekteri buryp qalǵany jaıynda sóz qozǵaǵan bolatynbyz.