Fýtboldan 2034 jylǵy álem chempıonatyn ótkizý mártebesin Saýd Arabıasy ıelendi, dep habarlaıdy Almaty-akshamy.kz.
Bul týraly FIFA Djannı Infantıno habarlady.
Tórtkúl dúnıe kóz tigetin dúbirli dodany ótkizýge Saýd Arabıasy men Aýstralıa ótinish bergen. Alaıda jasyl qurlyqtyń ókilderi sońǵy sátte usynystarynan bas tartyp, 2026 jylǵy áıelder arasyndaǵy Azıa chempıonaty men 2029 jylǵy klýbtar arasyndaǵy álem chempıonatyn sátti ótkizip alýdy jón kórgen.
2026 jylǵy ǵalamat álem chempıonatyn Soltústik Amerıka qurlyǵyndaǵy Kanada, Meksıka men AQSH elderi uıymdastyrady. 2030 jylǵy jarys Afrıka (Marokko) men Eýropa (Portýgalıa, Ispanıa) qurlyqtarynda, al úsh oıyn Ońtústik Amerıka qurlyǵynyń mereıtoıyna oraı Argentına, Paragvaı jáne Ýrýgvaıda ótedi. 2034 jylǵy álem chempıonatyn Saýd Arabıasy ótkizedi. Úsh álem chempıonaty, 5 qurlyq jáne 10 el – bul fýtboldyń naǵyz ǵalamdyq sharyqtaýy, - dep jazdy Infantıno.