Almatyda demalys kúngi aýyl sharýashylyǵy jármeńkelerine fermerler 125 tonnadan astam ónim ákeledi
Aldaǵy demalys kúnderi, 4-5 qarashada Almaty qalasynyń tórt aýdanynda 10 dástúrli aýyl sharýashylyǵy jármeńkesi ótedi. Oǵan Almaty oblysynyń jaqyn mańdaǵy, onyń ishinde Qarasaı, Jambyl, İle, Talǵar jáne Eńbekshiqazaq aýdandarynyń aýyl sharýashylyǵy taýaryn óndirýshiler, sondaı-aq Almaty qalasynyń azyq-túlik kásiporyndary qatysady, dep habarlaıdy almaty-akshamy.kz
Jármeńkelerde 50-den astam ónim túrleri usynylady, onyń ishinde et-sút, jemis-kókónis, sút, shujyq, un, jarma, ósimdik jáne janýar maılary jáne t.b. Jalpy ónim kólemi – 125 tonnadan astam.
Demalys kúnderi jármeńkeler myna mekenjaılarda ótedi:
1. Gogol - Masanchı kóshesi (Almaly aýdany);
2. Qazaqfılm shaǵyn aýdany (Bostandyq aýdany);
3. Abaı dańǵyly, Ótegen batyr kóshesiniń qıylysy (Áýezov aýdany);
4. Meńdiqulov kóshesi, Bekturov kóshesi, Shevchenko kóshesi, Qonaev kóshesiniń buryshy (Medeý aýdany).
Aýyl sharýashylyǵy jármeńkeleri apta saıyn senbi jáne jeksenbi kúnderi Almaty qalasynda ótedi. 2023 jyldyń basynan beri Almaty qalasynda 420-ǵa jýyq aýyl sharýashylyǵy jármeńkesi ótti. Aǵymdaǵy jyldyń sońyna deıin demalys kúnderi qosymsha 90-ǵa jýyq aýyl sharýashylyǵy jármeńkesin ótkizý josparlanýda.