Qatań karantındi boldyrmas úshin turǵyndardy vaksınalaýdy tezdetý qajet.
Fransıanyń Densaýlyq saqtaý mınıstri Olıve Verannyń aıtýynsha, respýblıkada koronavırýs pandemıasynyń jańa tolqyny bastalyp jatyr, dep habarlaıdy Almaty-akshamy.kz QazAqparat caıtyna silteme jasap.
Olıve Veran Fransıa radıosyna bergen suhbatynda shilde aıynan bastap elde vırýs juqtyrý oqıǵalarynyń sany qaıta ósip jatqanyn, biraq COVID-19 dıagnozy qoıylǵan pasıentterdi aýrýhanaǵa jatqyzý kórsetkishi ázirge tómendep otyrǵanyn málimdedi.
Fransıa aýrý juqtyrý ósimin COVID-19 "delta" shtamynyń taralýymen baılanystyryp otyr.
«Eger osyndaı úrdis saqtalsa, bul aýrýhanaǵa jatqyzý kóleminiń ósimine ákeledi», - dep eskertti mınıstr Olıve Veran.
Fransıa bıligi pandemıanyń jańa tolqynynyń jaqyndaýyn báseńdetip, qatań karantındi boldyrmas úshin turǵyndardy vaksınalaýdy tezdetý qajet dep sanap otyr.
Fransıa prezıdenti Emmanúel Makron qorǵanys keńesiniń otyrysyn ótkizip, onda densaýlyq saqtaý salasy qyzmetkerlerin mindetti vaksınalaý máselesi ortaǵa salynady. 10 shildede Fransıada COVID-19 vırýsyn juqtyrýdyń 4696 jańa faktisi tirkelgen, bul bir apta buryn tirkelgen kórsetkishten (3006) bir jarym ese kóp.