Osy ýaqytqa deıin ekpe saldyrǵan qala turǵyndarynyń sany 558 104 adamǵa jetken.
Bul týraly aqparat taratqan qalalyq qoǵamdyq densaýlyq saqtaý basqarmasynyń málimetinshe, Almaty qalasynda bir táýlikte 9 418 adam koronavırýsqa qarsy vaksına saldyrdy, dep habarlaıdy Almaty-akshamy.kz
«11 shilde kúni 9 418 almatylyq vaksına saldyrdy. Bıylǵy jyldyń 1 aqpany men 11 shilde aralyǵynda qalada barlyǵy 558 104 adam vaksına saldyrdy. Vaksına alǵandardyń ishinde 60 jastan asqan qarıalardyń úlesi - 90 263 adam», - dep habarlady basqarmadan.
Qalada 212 pýnkt jumys istep tur. 1 260 adamnan turatyn 308 egý brıgadasy bar. Sonymen qatar, 40 kóshpeli mobıldi brıgada uıymdastyrylǵan.
«Qazir medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksınalaý pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.