Saılaý 2021 jyldyń tamyz aıynan bastap ókilettigi aıaqtalatyn ákimderge qatysty bolady.
Bul týraly aqparat bergen Ulttyq ekonomıka mınıstrliginiń málimetinshe, bul rette saılaý 40 kún buryn jarıalanady. Al saılaýdyń ózi is basyndaǵy ákimniń ókilettik merzimi aıaqtalǵanǵa deıin 10 kún buryn ótedi, dep habarlaıdy Almaty-akshamy.kz
«Osylaısha, alǵashqy tikeleı saılaý osy jyldyń shilde aıynyń sońǵy onkúndiginde ótýi tıis. Bul rette kandıdattardy usyný saılaý jarıalanǵannan keıin kelesi kúni bastalady jáne saılaý ótkiziletin kúnge deıin 15 kún buryn aıaqtalady. Iaǵnı uzartý merziminiń uzaqtyǵy 14 kúnge deıin jetýi múmkin. Osy ýaqyt ishinde kandıdat tirkeýge qajetti qujattardy jınaýmen aınalysady», - delingen mınıstrliktiń málimetinde.
Kandıdattardy tirkeý saılaý bolatyn kúnnen 10 kún buryn aıaqtalady. Osy kezeńde aýmaqtyq saılaý komısıasy usynylǵan qujattardyń durystyǵyn tekseredi. Saılaý kúniniń aldyndaǵy sońǵy onkúndikte úgit-nasıhat is-sharalary, tirkelgen kandıdattar týraly buqaralyq aqparat quraldarynda jarıalanymdar jáne saılaýǵa daıyndyq júzege asyrylady.
«Saılaý ótkizilgennen keıin úsh kún ishinde qorytyndy shyǵarylady, jeti kún ishinde saılanǵan ákimdi tirkeý júzege asyrylady. Bul rette saılanǵan ákimniń ókilettigi ony tıisti aýmaqtyq saılaý komısıasy tirkegen kezden bastalady», - dep túsindirdi vedomstvo.