QR Ulttyq ekonomıka mınıstrligine qarasty «Ekonomıkalyq zertteýler ınstıtýty» AQ bedeldi halyqaralyq FocusEconomics Analyst Forecast Awards 2024 premıasynyń jeńimpazy atanyp, Kazakhstan Current Account nomınasıasy boıynsha 1-orynǵa ıe boldy.
Atalǵan premıa jyl saıyn álemniń 130-dan astam elinen qatysatyn makroekonomıkalyq boljam jasaıtyn uıymdar arasynda naqty boljam úshin beriledi, dep habarlaıdy aqshamnews.kz.
Ulttyq ekonomıka mınıstrliginiń málimetinshe, 2024 jyldyń qorytyndysy boıynsha Instıtýt ondaǵan halyqaralyq saraptamalyq ortalyq, ınvestısıalyq bankter men zertteý agenttikteri arasynda úzdik nátıje kórsetip, kósh bastady. Sondaı-aq, Instıtýt Real and External Sector jáne Overall Categories sekildi jıyntyq sanattarda da úzdikter qatarynan kórinip, boljamdarynyń keń aýqymdylyǵy men dáldigin taǵy bir márte dáleldedi.
Instıtýt 2023 jyly da Exchange Rate sanatynda 2-oryn alǵanyn aıta ketken jón. Bul onyń makroekonomıkalyq taldaý salasyndaǵy turaqty kásibıligi men júıeliligin kórsetedi.
FocusEconomics – konsensýs-boljamdar men taldaýlardyń jetekshi jahandyq provaıderi retinde – qazaqstandyq ınstıtýttyń halyqaralyq zertteýlerge belsendi qatysatynyn, analıtıkanyń tereńdigin jáne ǵylymı negizdiligin joǵary baǵalady.