Qazaqstandyq alǵashqy loýkoster FlyArystan áýekompanıasy áýe flotyn tikeleı Týlýz qalasyndaǵy óndirýshi zaýyttan kelgen jańa Airbus A320 Neo ushaǵymen tolyqtyrdy.
Jańa Neo ushaǵy dybyssyz ári tıimdi ǵana emes, sonymen qatar ekologıaǵa áseri tómen bolyp keledi. 2016 jyldan A320neo úlgisiniń ushaqtary paıdalanýǵa berilgennen bastap CO2 kóleminiń shyǵarylýy 15 mln tonnaǵa kemidi. Ushaq qanattarynyń Sharklets pishini (aǵylshynnan “akýlanyń júzbeqanaty”), tıimdi qozǵaltqyshtary men salonnyń jańa modıfıkasıasy arqasynda dybys deńgeıi jartylaı, al otyn shyǵyny 20% azaıdy, dep habarlaıdy Almaty-akshamy.kz
«FlyArystan — Qazaqstannyń alǵashqy búdjettik áýetasymaldaýshysy men Ortalyq Azıanyń qoljetimdi áýetasymaldaýdyń kóshbasshysy. Jańa Airbus A320 Neo 12-shi ushaqtyń kelýimen FlyArystan baǵdarlar jelisi keńeıip, odan da kóp qoljetimdi saıahattardy Qazaqstan men shetelge usynady. Ushaqta oryndar sany 180-nen 188-ge ósýine oraı osy áýekeme qorshaǵan ortaǵa zıandy áserin azaıtýǵa úles qosady. Leo - tikeleı óndirýshi zaýyttan kelgen tuńǵysh ushaq jáne jaqyn arada bul tizim jańa taǵy da eki ushaqpen tolyqtyrylatyn bolady. Bul FlyArystan úshin qyzyqtarǵa toly óte áserli kezeń», - dep FlyArystan-nyń basqarýshy dırektory Edrıan Hamılton-Manns bólisti.
FlyArystan-nyń satý jáne marketıń bóliminiń dırektory Madına Býjınovanyń oıynsha, flottyń jańarýy FlyArystan úshin ǵana emes, sonymen qatar búkil otandyq avıasıa úshin úlken nátıje. Sebebi halyqaralyq naryqta zamanaýı jáne jas laınerlerdiń qoldanysy salanyń joǵary damý kórsetkishi bolyp tabylady.
«Jańadan kelgen laınerimiz shoqjuldyzdar esimderimen atalmaq, Leo sonyń ishindegi alǵashqysy. Bul shoqjuldyzdyń astynda uly jandar týǵan. Neo ushaǵymyzdyń da saıahaty uzaq, juldyzy jaryq janady degen senimdemiz».
Airbus A320Neo FlyArystan sıpattamasy:
- Bortta aýa baptaý júıesiniń asa tıimdi HEPA-fıltrleri 2-3 mınýt ishinde salonda tolyqtaı aýany tazalaýdy qamtamasyz etedi. Bul aýanyń birqalypty taratylýyna jáne ótpe jelder boldyrmaýyna kepil beredi.
- Jańa tutqalar svetodıodtik kómeski jaryqpen qatar oryndyqtardyń biriktirilgen nómirleýi jolaýshylarǵa salonda orynǵa tez jaıǵasýǵa kómektesedi.
- Jańa svetodıodtik shamdar oqýǵa da, paıdalanýda da tıimdi jáne senimdi. Oǵan qosa bul jaryqtyń túri adam kózine qabyldaýǵa ońaıyraq.
- Únemdi paıdalaný shyǵyndardyń ushaqtyń TBmJ-ǵa (tehnıkalyq baıqaý men jóndeý) 5%, al tikeleı operasıalyq bir orynǵa shyǵyndardyń 14% tómendeýdiń arqasynda jetedi.
FlyArystan – Qazaqstandaǵy alǵashqy búdjettik loýkosteri, alǵash reısti 2019 jyldyń mamyr aıynda oryndaǵan. Qazirgi tańda FlyArystan áýe floty Airbus A320 12 ushaqtarynan turady. Olar kúndelikti 60 jýyq reısterdi Qazaqstan boıynsha men shetelge oryndaıdy. Loýkosterdiń baǵdarlar jelisi 44 baǵyttan, onyń ishinde 28 ishki men 16 shetel baǵyttardan turady. FlyArystan – Air Astana quramyndaǵy enshiles bólimi.
FlyArystan-nyń halyqaralyq baǵdarlar jelisi Qazaqstannan turaqty reısterdi Túrkıa, Grýzıa, Qyrǵystan, Ázirbaıjan men Mysyr, BAÁ men taǵy basqa charterlik reısterden turady. Loýksosterdiń mobıldi qosymshasynda negizgi men qosymsha qyzmetteri qoljetimdi. 2022 j tamyzynda loýkoster alǵash reısti 2019 jylda oryndaǵanan beri 7 mıllıonshy jolaýshyny tasymaldady.