HQKO-da bir kúnde sheteldikterdiń 3-3,5 myń ótinimi qaralady.
Almatyda sheteldik azamattarǵa JSN berý úshin ashylǵan arnaıy HQKO-da uzyn-sonar kezek paıda boldy, - dep habarlaıdy Almaty-akshamy.kz
Áleýmettik jelide HQKO-lardyń birine JSN alýǵa kelgen Reseı azamattary jınalǵan uzyn-sonar kezek vıdeosy paıda boldy.
«Azamattarǵa arnalǵan úkimet» KEAQ Almaty boıynsha fılıalynyń baspasóz qyzmeti málimetinshe, kezek shynymen bar, biraq bul másele sheshilip jatyr jáne Reseı Federasıasy azamattary 2-3 mınýt ishinde qyzmet alyp jatyr. Bul rette reseılikter kezegi Jetisý aýdany, Qulager shaǵynaýdany, Qazybaev kóshesi, 286 v mekenjaıy boıynsha Qulager shaǵynaýdanyndaǵy FOK (sporttyq-saýyqtyrý kesheni) ǵımaratynda arnaıy uıymdastyrylǵan bir ǵana HQKO-da baıqalady.
«Olar eshkimge kedergi jasamaıdy. Bul jumysy kúsheıtilgen halyqqa qyzmet kórsetý ortalyǵy. Onda aldymen 20 jumys orny bólingen, qazir 40 qyzmetker qyzmet kórsetip jatyr. Reseılikterge kóshi-qon qyzmetiniń qyzmetkerleri de keńes berip jatyr», - dedi baspasóz qyzmeti ókilderi.
HQKO-da bir kúnde sheteldikterdiń 3-3,5 myń ótinimi qaralady. Bul ádettegi júktemeden 50 paıyzǵa artyq. Qyzmetkerler 09:00-den 20:00-ge deıin, talon alǵan sońǵy klıentke deıin jumys isteıdi. Klıentterge yńǵaıly bolý úshin HQKO-ǵa aýyz sý ákelinedi jáne sheteldik azamattardyń túnde qalatyn jeri bolmaǵan jaǵdaıda oryndar beriledi.