3 shildede qazaqstandyq loýkoster FlyArystan halyqaralyq jańa baǵyt – Almatydan "Ystyqkól" halyqaralyq áýejaıyna (Tamshy). Bul baǵyttyń ashylýymen jolaýshylardyń Ortalyq Azıadaǵy eń tanymal kýrorttardyń birine – bar bolǵany bir saǵat ushýmen – tez ári qoljetimdi túrde jetý múmkindigi paıda boldy.
Reıster 2025 jylǵy 31 tamyzǵa deıin aptasyna eki ret – beısenbi jáne jeksenbi kúnderi oryndalady. Beısenbi kúnderi Almatydan ushý ýaqyty – 15:05, Tamshyǵa qoný ýaqyty – 17:00. Keri reıs 18:00-de ushyp, Almatyǵa 18:00-de qonady. Jeksenbi kúnderi reıs Almatydan 13:15-te ushyp, Tamshyǵa 15:10-da jetedi. Qaıtar reıs 16:10-da ushyp, Almatyǵa 16:10-da kelip qonady.
"Jańa baǵyt FlyArystan-nyń halyqaralyq marshrýttar jelisin belsendi túrde keńeıtýiniń bir bóligi bolyp otyr. Shilde aıynda áýekompanıamyz Atyraý – Tashkent tikeleı reısin de iske qosady, onyń alǵashqy ushýy 15 shildege josparlanǵan. Ushý geografıasynyń keńeıýi FlyArystan strategıasynyń óńirler arasyndaǵy baılanysty nyǵaıtý jáne Ortalyq Azıadaǵy týrısik ári iskerlik aǵyndy arttyrýǵa baǵyttalǵanynyń aıqyn dáleli. Biz jolaýshylar tarapynan jańa baǵyttarǵa degen qyzyǵýshylyqtyń artyp jatqanyn kórip otyrmyz jáne bul suranysqa saı halyqaralyq baǵyttar jelisin odan ári damytýdy jalǵastyramyz", - dedi "FlyArystan" AQ prezıdenti Rıchard Ledjer.
Bir baǵytqa ushý quny "Komfort" tarıfi boıynsha 23 317 teńgeden bastalady (2025 jylǵy 3 shildedegi baǵa). Baǵaǵa oryn tańdaý, 20 kg-ǵa deıingi tirkelgen joljúk jáne ólshemi 56×23×36 sm-den aspaıtyn 5 kg-ǵa deıingi qoljúgi kiredi. Bıletterdi FlyArystan mobıldi qosymshasy, www.flyarystan.com resmı saıty jáne týrısik agenttikter arqyly satyp alýǵa bolady.
Anyqtama: FlyArystan – Air Astana tobynyń 100% enshiles kompanıasy bolyp tabylatyn qazaqstandyq loýkoster. Ol óz qyzmetin 2019 jyldyń mamyr aıynda bastady. 2025 jyldyń qańtar aıynan bastap FlyArystan óz sertıfıkatymen, FS kody boıynsha táýelsiz áýekompanıa retinde qyzmet kórsetýde. Áýekompanıa Almaty, Astana jáne Aqtaý qalalarynda ornalasqan bazalaryndaǵy zamanaýı A320 ushaqtarynan quralǵan áýe parkimen keń aýqymdy marshrýttar jelisi boıynsha reıster oryndaıdy. FlyArystan marshrýttar jelisi ishki jáne halyqaralyq reısterdi, sondaı-aq charterlik baǵyttardy qamtıdy. FlyArystan 2023, 2024 jáne 2025 jyldary úsh ret Skytrax World Airline Awards tarapynan Ortalyq Azıa jáne TMD-nyń eń úzdik búdjettik áýekompanıasy dep tanyldy.