Keıíngí úsh jylda Alakólge 4,8 mıllıon turıst kelgen, - dep habarlaıdy aqshamnews.kz tílshísí.
Audan ákímdígíníń málímetí boıynsha, bıyl 51 jūmys orny ashylyp, 17 turıstík nysan íske qosylǵan. Nátıjesínde 2,4 mlrd teńge ınvestıtsıya tartyldy. Sonymen qatar, 500 oryndyq 3 írí turıstík nysannyń qūrylysy júrgízílíp jatyr.
Turızmmen qatar qauípsízdík pen ınfraqūrylym da kúsheıtíldí: jaǵalauda beınebaqylau kameralary men drondar kómegímen qoǵamdyq tártíp pen sudaǵy qauípsízdík qadaǵalanyp jatyr.
Tyıym salynǵan aımaqtarda júzíp júrgen su kólíkteríne aıyppūl salynyp, ınspektorlar sany artty. Sonymen qatar, jaǵalauǵa jedel járdem, dáríhana, 22 sanıtarlyq-gıgıenalyq torap, 180 qoqys konteınerí jáne jańa medıtsınalyq punktter qoıyldy.
Elektr tapshylyǵyn joyu úshín "Aqshı" qosalqy stantsıyasy íske qosylyp, 56 shaqyrym joǵary kerneulí jelí tartyldy. Būl - bolashaqtaǵy júktemelerdí de eskeretín ūzaqmerzímdí sheshím.
Al Aqshı auylynda káríz júıesí men tazartu qūrylǵysy salynyp jatyr. Baılanysty jaqsartu úshín 16 bazalyq stantsıya jūmys ístep, optıkalyq ınternet jelísí tartylǵan.
Jetísu oblysy Alakól audanyn turızm, kólík-logıstıka, áleumettík ınfraqūrylym baǵytynda keshendí túrde damytyp keledí.