2025 jyldyń bes aıynda Qazaqstanda 23,8 myń tonna balmuzdaq pen taǵamdyq muz óndirildi, dep habarlaıdy aqshamnews.kz Ulttyq statısıka búrosynyń telegramdaǵy resmı kanalyna silteme jasap.
Bul ótken jyldyń sáıkes kezeńimen salystyrǵanda (2024 jylǵy qańtar-mamyr - 20,3 myń tonna) 17,1% artyq.
"Sondaı-aq 2025 jyldyń tórt aıynda elimizge 3 myń tonna balmuzdaq ımporttaldy, syrttan ákelingen ónimniń naryqtaǵy úles salmaǵy - 15,4%", - dep jazylǵan habarlamada.
Balmuzdaq ákelinetin elderdiń alǵashqy úshtigine
Reseı (1,5 myń tonna),
Qyrǵyzstan (1 myń),
Túrkıa (0,3 myń) kirip otyr.
Sonymen qatar balmuzdaq Ózbekstan, Shveısarıa, Belarýs jáne Italıa elderinen ákelingen.
Atalǵan tórt aıda balmuzdaq eksporty 41,6% ósip, 4,3 myń tonnany qurady. Ónim negizinen TMD elderi men Qytaıǵa jiberilgen.