Birqaqpaılar
***
– Kúshti erik-jiger degenimiz ne?
– Eger áıelińiz telefon arqyly bireýmen eki saǵat sóıleskennen keıin de siz «Ol kim sonsha?» dep suramaýǵa shydasańyz, erik-jigerdiń kúshtiligi degenimiz sol...
***
Madonna men Bıll Geıts jolyǵyp qalsa kerek.
– Meniń dáýletimniń kóptigi sonsha, tipti álemniń ózin satyp ala alamyn, – dep maqtanypty Madonna.
Sonda Geıts:
– Al men ony satady dep kim aıtty? – depti.
***
– Myna bir kisi, jarty saǵat boldy, máshıneniń aldyna túsip ap qashyp keledi: jyndy ǵoı deımin ózi, – deıdi rúldegi áıeli.
– Aqymaq, trotýardan shyǵyp, úlken jolǵa tússeńshi! – depti sonda janynda otyrǵan kúıeýi.
***
Kishkentaı masa sheshesinen surapty:
– Apa, men ushsam bola ma?
– Ajalyńa asyqpaı, otyr tynysh!
– Qyzyqsyz, adamdarǵa meniń ushqanym qatty unaıdy.
– Ony kim aıtty?
– Keshe túnde olardyń bári maǵan shapalaq urdy ǵoı!
***
Tasbaqa qumdy dalamen jorǵalap kele jatsa, aldynan túıe shyǵypty.
– Kóktaıǵaq bolyp jatyr ma, nemene? – dep surapty tasbaqa túıeden.
– Joǵa.
– Onda nege jolǵa kóp qum seýip tastaǵansyńdar?
* * *
Kafede qos ǵashyq birin-birin kózben iship-jep otyr.
– Sen meniń tátti shokoladymsyń, túk qaldyrmaı jep qoıaıyn ba osy... – dep emirenedi jigit.
– Meniń de seni jep qoıǵym kelip otyr, – deıdi qyz.
Olardyń áńgimesin bólgisi kelmeı biraz turǵan daıashy sál jótkirinip alyp:
– Sońynan ne ishesizder? – depti.
* * *
Bir jas jazýshy gazet redaksıasyna óziniń áńgimesin ákep tastaıdy. Arada biraz ýaqyt ótkennen keıin bas redaktorǵa kelip, ol:
– Ne degen masqara! Bir emes, eki aı ótti, nege baspaısyz áńgimemdi? Kim kóringenniń shımaı-shatpaǵy shyǵyp jatqan joq pa?! – dep shaptyǵady.
– Osy kúngi jastarǵa tań qalamyn: qandaı shydamsyzsyńdar? – depti sonda bas redaktor. – Asyǵatyn ne bar, kútseńshi!
– Qashanǵy kútem?
– Ony men qaıdan bileıin? Máselen, Fırdoýsı óz «Shahnamasynyń» jaryq kórýin myń jyl kútken!..
* * *
– Balam-aı, dúkennen tez sút ákele qoıshy!
– Kámpıt bermeseńiz, barmaımyn!
– Barmasań, ınternetti óshirip tastaımyn!
– Boldy, apa, mine, ushtym!
* * *
Domestos jarnamasynyń arqasynda mıkrobtardyń túrin túgel tanyp alatyn boldyq...