Fınlándıadaǵy "Iahtárı" zoobaǵynda ómir súrip jatqan eki alyp panda Qytaıǵa qaıtarylady.
Pandalar 2018 jyldan beri osy zoobaqta turyp keledi, olardy Qytaı Halyq Respýblıkasynyń tóraǵasy Sı Szınpınniń Fınlándıaǵa sapary kezinde 15 jylǵa jalǵa alý kelisimi boıynsha ákelgen bolatyn. Alaıda sońǵy jyldary zoobaq qarjylyq qıyndyqtarǵa tap boldy, dep jazady fındik "Yle" basylymy, dep habarlaıdy aqshamnews.kz.
"Iahtárı" zoobaǵynyń basqarma tóraǵasy Rısto Sıvonen bul sheshimge birneshe faktorlardyń áser etkenin aıtty. Olardyń ishinde:
koronavırýs pandemıasy;
týrıser sanynyń azaıýy;
Ýkraınadaǵy jaǵdaıǵa baılanysty ınflásıa jáne paıyzdyq mólsherlemelerdiń ósýi.
Osy qıyndyqtardy eskere otyryp, zoobaq qaryzdaryn qaıta qurylymdaý týraly ótinish berýdi josparlap otyr.
Lýmı men Púrú esimdi pandalar kúzdiń sońyna deıin zoobaqta bolmaq. Keıin olardy halyqaralyq nusqaýlyqtarǵa sáıkes karantınge ornalastyrady, bul olardy Qytaıǵa qaıtarý aldyndaǵy daıyndyqtyń bir bóligi bolyp tabylady.