2024 jyldyń 2 qazanynda ekinshi kún tutylýy kútilýde, bul qubylys saqına tárizdi kún tutylýy retinde belgili.
Bul erekshe astronomıalyq qubylys Ońtústik Amerıkanyń ońtústiginde, sondaı-aq Tynyq muhıtynyń ortalyq jáne ońtústik-shyǵys bólikterinde kórinetin bolady, dep habarlaıdy aqshamnews.kz.
Máskeý planetarııiniń málimeti boıynsha, saqına tárizdi kún tutylýy kezinde Aı Jerden alys bolǵandyqtan, onyń buryshtyq mólsheri Kúnniń mólsherinen kishi bolady. Sondyqtan Aı Kúnniń betin tolyq jappaı, onyń aınalasynda jarqyn saqına kórinedi. Bul qubylysty saqına tárizdi kún tutylýy dep ataıdy.
Saqına tárizdi kún tutylýy Chılı men Argentınanyń ońtústiginde baıqalady. Al Soltústik Amerıkanyń ońtústiginde, Ońtústik Amerıkanyń kóp bóliginde, Tynyq jáne Atlant muhıttarynda, sondaı-aq Antarktıdada ishinara kún tutylýy kórinedi.
Bul astronomıalyq qubylys jalǵyz emes. Qazan aıynda kún tutylýynan keıin eki juldyz aǵyp, jarqyn kometa perıgeıi jáne jyldyń eń úlken aı tolýy sıaqty oqıǵalar oryn alady.