Oqýshylar men jaqyn mańdaǵy shaǵyn aýdan turǵyndarynyń qaýipsizdigi úshin Rysqulov dańǵylynda, «Parasat» turǵyn úı kesheniniń janynda jer ústi jaıaý júrginshiler ótkeli salyndy, dep habarlaıdy almaty-akshamy.kz
Rysqulov dańǵyly men Sazanovskaıa kósheleriniń qıylynda ortasynda bólý jolaǵy bar 3 jolaqty kólik quraldarynyń qozǵalysy uıymdastyrylǵan. Buǵan deıin bul jol qozǵalysy erejesin buzyp, joldy kesip ótken jaıaý júrginshilerge aıtarlyqtaı qaýip tóndirgen.
Halyqtyń irgeles aýmaqqa kóptep qonystanýyna baılanysty osy jol teliminde qaýipsiz ótýdiń qajettiligi týyndady. Almaty ákimi Erbolat Dosaevpen kezdesýde turǵyndar osy aýdanda jer ústi ótkelin ornatýdy suraǵan.
Qysqa merzimde jaıaý júrginshiler kópirin salý jobasy ázirlendi, ol 2023 jyldyń 2 toqsanynda bastalyp, qyrkúıekte aıaqtaldy.
Jer ústi jaıaý júrginshiler ótkeliniń qurylysy kólik qozǵalysy men trotýar boıyndaǵy jaıaý júrginshilerdiń júrisin shektemeı óte qysyltaıań jaǵdaıda júrgizildi.
Jaıaý júrginshiler ótkeli barlyq talap pen standartqa, sonyń ishinde múmkindigi shekteýli jandarǵa arnalyp salynǵan. Atap aıtqanda, jaıaý júrginshiler kópiri kótergish qurylǵymen jabdyqtalǵan, onda tirek-qımyl apparaty buzylǵan adamdardyń (múgedek arbamen júretin) júris-turysy úshin barlyq qajetti sheshim qarastyrylǵan, al energıamen jabdyqtaýda úzilister bolsa apattyq toq generatory qarastyrylǵan. Buǵan qosa, jaıaý júrginshiler ótkelinde taktıldi taqtalar ornatylǵan.
Jaıaý júrginshiler kópiriniń aralyq qurylymy arka tárizdi, kópirdiń tireýishine berik bolat paıdalanylyp, metal konstrýksıadan jasalǵan, bul seısmıkalyq jaǵdaıynda búkil qurylymnyń turaqtylyǵyn qamtamasyz etedi.