Fermerler júıedegi aqaýlyq saldarynan sýbsıdıa ala almaı otyr.
Bul týraly senator Evgenıı Bolgert Senat otyrysynda málimdedi, -dep habarlaıdy Almaty-akshamy.kz BAQ.KZ-ke silteme jasap.
Aıtýynsha, aýyl sharaýashylyǵy salasynyń eńbekkerleri aqparattyq júıedegi tehnıkalyq aqaýǵa baılanysty sýbsıdıa alýǵa ótinish bere almaı otyr. Belgili bolǵandaı, bıyl 1 qańtardan bastap fermerlerge sýbsıdıa alýǵa ótinimder berý jańa gosagro.kz aqparattyq júıesi arqyly júzege asatynyn eske saldy. Biraq qazir aýyl eńbekkerleri júıeniń durys jumys istemeýine jáne ótinimderin qabyldamaýyna baılanysty ótinim bere almaı keledi.
Aýyl sharýashylyǵy taýaryn óndirýshiler jańa aqparattyq júıeniń durys jumys istemeýine jáne tehnıkalyq irkilisterge baılanysty shaǵym aıtyp otyr. Onda birqatar baǵyttar boıynsha sýbsıdıa alýǵa ótinimder berýge múmkindik joq. Máselen, júıe sýbsıdıa alý úshin qajetti barlyq qujattyń jıyntyǵyn qabyldamaıdy. Quny 30 mln teńgeden sál asatyn jańbyrlatqysh mashınany satyp alý úshin sýbsıdıaǵa ótinim berý kezinde jańa gosagro.kz júıesi 46 mıllıard teńge somasyn esepteıdi. Qoldaý qyzmeti mundaı qate ótinimder qabyldanbaıdy dep birden jaýap beredi. Olar qatelerdi túzetýge ýáde bergenimen eshqandaı ózgeris joq. Júıeniń qatelikterin sharýalardyń ózderi de, olardyń esepshileri de jeńe almaıdy. QR ASHM koll-ortalyǵy ómiri durys jaýap bermeıdi, jaı ǵana «dopty keri tepkendeı» basqaǵa silteýmen aınalysady, - dep atap ótti senator depýtattyq saýalynda.
Sonymen qatar ol kóktemgi egis jumysyna daıyndyq kezinde, sharýalarǵa janar-jaǵarmaı materıaldaryna, tyńaıtqyshtarǵa, qosalqy bólshekterge qarjy qajet bolǵan kezde de bolyp jatqanyna alańdaýshylyq bildirdi.
Qazaqstan Respýblıkasynyń Úkimeti gosagro.kz aqparattyq júıesiniń jumysyndaǵy tehnıkalyq kemshilikterdi shuǵyl túrde joıýdy qajet dep sanaımyz. Tehnıkalyq irkilisterdi jedel joıý múmkin bolmaǵan jaǵdaıda, 2023 jylǵy egis naýqanynyń toqtatýǵa jol bermeý úshin aýyl sharýashylyǵy taýaryn óndirýshiler sýbsıdıa alýǵa ótinim berý úshin jańa gosagro.kz júıesimen qatar qoldau.kz platformasyn paıdalanýyna ýaqytsha múmkindik jasaý kerek, - dedi Evgenıı Bolgert.