Mamandar joıqyn jer silkinisi bolǵan jaǵdaıda turǵyn úılerdiń 30%-y qıraýy múmkin dep otyr.
Tótenshe jaǵdaılar jónindegi vıse-mınıstr Ibragım Kúlshimbaev Almatydaǵy yqtımal jer silkinisi kezindegi eń qaýipsiz aýdandy atady, dep habarlaıdy Almaty-akshamy.kz7
"Almaty – respýblıkamyzdyń seısmıkalyq qaýipti aımaqtarynyń biri. Almaty tektonıkalyq plıtalardyń 27 qaýipti jarylý aımaǵynda ornalasqan. Olardyń negizgileri - qalanyń taýly aımaqtary. Barynsha qaýipsizi – Túrksib aýdany, qalǵandarynyń bári – Medeý, Bostandyq aýdandary opyrylý oryndarynda ornalasqan, sondyqtan qaýip joǵary", - dedi Kúlshimbaev.
Onyń aıtýynsha, 9 jáne odan da kóp baldyq jer silkinisi bolǵan jaǵdaıda Almatydaǵy turǵyn úılerdiń 30 paıyzy zardap shegedi.
"Qalanyń 60-70 paıyzy qıraı ma, men munymen kelise almaımyn. Biraq boljam boıynsha, 9 bal jáne odan joǵary joıqyn jer silkinisi bolǵan jaǵdaıda turǵyn úılerdiń 30 paıyzyna deıin qıraýy múmkin. Tıisinshe, qandaı shyǵyn bolatynyn qarastyrý qajet", - dep túıindedi sózin vıse-mınıstr.