Májilis depýtaty Rınat Zaıtov Bas Prokýrorǵa jáne Ulttyq qaýipsizdik komıtetiniń tóraǵasyna arnaıy suraý joldap, Qazaqstandaǵy áıelder men LGBT quqyǵyn qorǵaýmen aınalysatyn «Femınıta» uıymynyń qyzmetine qarsy shyqty, dep habarlaıdy aqshamnews.kz.
Rınat Zaıtovtyń pikirinshe, «Femınıta» qazaq halqynyń ar-namysyna tikeleı nuqsan keltirip, jastardy teris jolǵa túsirýge yqpal etip otyr.
«Táýelsizdik alǵan sátten bastap, Qazaqstan óz esigin aıqara ashyp, dostar da, dushpandar da kirip kele bastady. Bul – jasyryn emes. Biz dostarymyzdy tapqanyna, qandastarymyzdy elge qaıtarǵanyna qýandyq, árıne. Alaıda, bizdiń dushpandarymyz ishten iritki salǵysy kelip, ózderiniń aram pıǵyldaryn júzege asyrýda. Sonyń biri – LGBT qaýymdastyǵy jáne “Femınıta” uıymy. Bul – álemdik deńgeıde zulymdyq jasaıtyn qaýipti uıym, ol bizdiń jastarymyzdy qurtýǵa baǵyttalǵan», – dep málimdedi depýtat.
Rınat Zaıtov «Femınıtanyń» áreketterin qoǵamǵa qaýip tóndiretin ekstremıstik áreket retinde qarastyryp, ony zańdyq turǵydan toqtatý qajettigin aıtty.