Qorǵanys mınıstriniń orynbasary Darhan Ahmedıev áskerı bólimderde aqyldy beıgekameralar ornatylatynyn aıtty, dep habarlaıdy aqshamnews.kz.
Onyń sózinshe, buǵan deıin kameralardyń analıtıka jasaıtyn fýnksıasy bolmaǵan. Endi birneshe adam top bolyp jınalsa, sıgnal beretin bolady.
"Áskerı bólimderde buǵan deıin de beınekamaralmen qamtyldy. Biraq bul jerde birneshe másele bar. Birinshiden, bul beınekameralar analıtıkasyz jumys isteıtin edi. Iaǵnı bolyp jatqan sýretti ekranǵa jiberedi, basqa fýnksıasy joq. Biz qazir aqparattyq júıeni engizý jumystaryn júrgizip jatyrmyz.
Endi biz aqyldy beınekamara ornatýdy qarastyryp jatyrmyz, bul kameralarda jasandy ıntellekt elementteri bar. Kim áskerı bólimge kirdi, qashan kirdi, kim shyqty bárin baqylap, aqparat berip turady. Sondaı-aq jaýapty adamdar ornyn tastap ketetin bolsa, sıgnal beredi. Dúnıejúzinde qandaı analıtıka bar, sony engizemiz dep josparlap otyrmyz", - dedi ol.
Vıse-mınıstrdiń sózinshe, áskerı bólimderde turǵan kameralar 10 jyldan astam jumys istep tur. Olardy aýystyratyn ýaqyt keldi.
"Kameralar analogty jáne sıfrly bolyp bólinedi. Analogty kameralar 10 jyldan astam ýaqyttan beri jumys istep jatyr. Olardy aýystyratyn ýaqyt keldi. Sondaı-aq kameralarǵa qansha aqsha jumsalatynyn dóp basyp aıta almaımyn. Ár áskerı bólim ózi anyqtaıdy. Ol kameralardyń jaǵdaıyna baılanysty. Turǵan kamera sıfrly bolsa, aýystyrmaıdy, analogty bolsa, aýystyrylady",- dedi ol.
Vıse-mınıstr aqparattyq júıelerge qansha jumsalýy múmkin ekenin aıtty.
"IT-kompanıalardyń biriniń bergen usynysy boıynsha, 400 mıllıon teńge", - dedi vıse-mınıstr.