Eýropalyq ortalyq bank paıyzdyq mólsherlemeni onynshy ret kótergeli jatyr.
Bul týraly qarjylyq uıymnyń basshylyǵy málimdedi, dep habarlaıdy Almaty-akshamy.kz.
24.kz habarlaýynsha, atalǵan shara ınflásıanyń ósý qarqynyn 2 paıyz deńgeıinde ustap turýǵa baǵyttalmaq. Ázirge bul meje 5 paıyz. AQSH-tyń Federaldyq rezerv júıesi de osy saıasatty ustanbaq nıette. Olar bıyl mólsherlemeni 12-ret kóteredi. Federaldyq rezerv júıesiniń basshysy Djerom Paýell qatań ekonomıkalyq saıasat júrgizý – máseleni sheshýdiń birden bir joly dep málimdedi.
«Federaldyq rezerv júıesiniń mindeti – ınflásıa ósiminiń qarqynyn 2 paıyzǵa deıin tómendetý. Sońǵy kezde biz qarjylyq saıasatty edáýir qatańdattyq. Inflásıa shyrqaý shegine áli jetpese de, qazirgi qalpy biz úshin tym joǵary bolyp sanalady. Qajet bolsa, biz mólsherlemeni ári qaraı da kóterýge daıynbyz», - deıdi federaldyq rezerv júıesiniń tóraǵasy Djerom Paýell.