Almatyda tergeý ızolátoryndaǵy sottalǵandar arasynda Konstıtýsıa kúnine arnalǵan merekelik is-shara ótkizildi.
Almaty qalasy qylmystyq-atqarý júıesi departamentiniń №72 mekemesindegi sharýashylyq qyzmetindegi sottalǵandar arasynda Konstıtýsıa kúnine arnalǵan merekelik is-shara ótkizildi, dep habarlaıdy Almaty-akshamy.kz Polisia.kz-ke siltem jasap.
Saltanatty mereke Qazaqstan Respýblıkasynyń Ánuranymen bastalyp, sottalǵandardyń Ata zań týraly óleńderin oqýǵa jalǵasty.
«№72 mekemesinde 50 adam óz jazalaryn sharýashylyq qyzmetinde jumys istep ótep jatyr. Sharýashylyq qyzmetine alǵash ret jeńil qylmys jasaǵandar iriktelip alynady. Olardyń arasynda ártúrli mamandyq ıelerimen qatar, ózderiniń ónerimen de erekshelenetin sottalǵandar bar. Elimizdiń Ata zańy qabyldanǵan kúnge arnalǵan merekede olar tek ónerlerin ǵana emes, sporttyq sheberlikterin de kórsetti», – deıdi sottalǵandar arasynda áleýmettik-psıhologıalyq tárbıe bóliminiń bastyǵy Kádirbek Turlybekov.
Mereke sońy sottalǵandar arasyndaǵy sporttyq jarysqa ulasty. Týrnıkke tartylý jáne keýdeni jerden kóterýden jarysqa túsken sottalǵandar arasynda eń úzdikter anyqtaldy.