Qazaqstandyqtar «Qaırat» fýtbol klýbynyń maska taqqan jaýynger beınelengen bannerin talqylap jatyr. Ony Almatynyń Ortalyq stadıonynyń 51-sektoryndaǵy jankúıerler jasaǵan.
Qaırat-ýltras, ıaǵnı almatylyq klýbtyń jankúıerleriniń eń belsendi toby, bannerdiń ıdeıasy qalaı paıda bolǵanyn aıtty.
«Bul ıdeıa uly tarıhtan shabyt aldy: qypshaqtar Eýropaǵa shapqynshylyq jasaǵanda, izi qalatyn. Búginde «Qaırat» sol joldy jalǵastyryp keledi — ata-babamyzdyń kúshi men dástúriniń murageri. Eýrokýboktardan buryn-aq biz Eýropaǵa kirgenbiz, olar alǵa jyljyp, óz izin qaldyrdy», — dedi kairat.ultras ókilderi.
Threads jelisinde @daniyar_zhabayev
Fýtbol fanattary «Qaıratpen» birge, klýbtyń sary-qara tústerimen Eýropaǵa qaıta oralatynyn qosty.
«Bul – H–Hİİİ ǵasyrlarda Eýrazıa kóshpendileri qoldanǵan qypshaq maska-dýlyǵasy. Mundaı metal maskalar betti jaýyp, tek kóz ben aýyzǵa oıyq qaldyratyn. Olar tek qorǵanys quraly ǵana emes, kúshtiń, jaýdy qorqytý sımvoly da bolǵan», – dep jazdy Threads jelisinde @daniyar_zhabayev atty qazaqstandyq.