37 elde qus tumaýy tirkelip otyr.
Eýropanyń 40 jýyq elinde qus tumaýy tirkelip otyr. Bul týraly Eýropalyq azyq-túlik qaýipsizdigi agenttiginiń (EFSA) málimetterinde jarıalanǵan, dep habarlady Almaty-akshamy.kz Baq.kz silteme jasap.
Statısıkaǵa sáıkes, ótken jyldyń kúzinen beri vırýstyń kesirinen Eýropa fermalarynda 47,7 mln qustyń kózi joıylǵan. Sharýa qojalyqtarynda 2500-ge jýyq qus tumaýyn juqtyrǵan qanatty tirkelse, jabaıy tabıǵatty mekendeıtin 3500 qustan tumaý anyqtalǵan. Al haıýanattar baǵyndaǵy qustarda 190 jaǵdaı tirkeldi. İndet Portýgalıadan norvegıalyq Shpısbergen arhıpelagyna deıingi búkil Eýropany qamtyǵan. Barlyǵy 37 elde qus tumaýy tirkelip otyr.
Buryn qus tumaýy maýsymdyq jazǵy aýrý dep eseptelse, sarapshylar qazir vırýstyń jyl boıy taralatynyn aıtady. Infeksıanyń qustardan adamǵa juǵý jaǵdaıy tirkelmese de, teorıalyq turǵydan qaýip bar.