Ekskýrsıaǵa 100-den astam jasóspirim qatysty.
Respýblıka kúni qarsańynda Almaty qalasynyń jastarǵa arnalǵan demalys ortalyqtaryna kelýshiler tanymal týrısik oryndar – Sharyn shatqaly men Kólsaı kóline bardy, dep habarlaıdy Almaty-akshamy.kz
Tegin týrdy Almaty qalasynyń Jastar saıasatyn damytý memlekettik qory halyqtyń áleýmettik osal toptary sanatyna jatatyn otbasylardaǵy jasóspirimderge (SÓSQ) uıymdastyrdy.
Bul bıylǵy besinshi týr boldy. 2022 jyly jasóspirimder Yqylas atyndaǵy (21, 22, 26 shilde) halyq mýzykalyq aspaptary murajaıyna, Esik kóline (8 qazan), Túrgen shatqalyna (9 qazan), Kóshpendiler qalasyna (15 qazan), Sharyn shatqaly men Kólsaı kóline (16 qazan) bardy. Bir kúndik týrǵa kólik, tamaqtaný jáne gıd qyzmetteri kiredi.
Elimizdiń basty kórikti jerlerimen jáne týrısik oryndarymen tanystyrý turaqty negizde júzege asyrylady jáne áleýmettik osal toptar sanatyndaǵy otbasylarǵa arnalǵan qalalyq demalys ortalyqtarynda tárbıelenýshi 12 men 29 jas aralyǵyndaǵy jasóspirimder men jastar úshin tegin. Kelesi jyly da 5 ekskýrsıalyq týr ótkizý josparlanýda.
Sonymen qatar, týrısik qyzmetpen aınalysatyn «Romantık» demalys ortalyǵyna barǵan jasóspirimder týrızm jáne qaýipsizdik negizderin, taktıkalyq oıyndardy, kartografıany meńgeredi, týrısik sporttyq saıahattarǵa shyǵady.
Almatyda megapolıstiń barlyq segiz aýdanynda barlyǵy 150-ge jýyq demalys ortalyǵy bar. Bul joba áleýmettik sıpatqa ıe jáne halyqtyń áleýmettik osal toptaryndaǵy balalarǵa, jasóspirimderge jáne jastarǵa kómek kórsetýge baǵyttalǵan.
Oqytý ár túrli baǵytta tegin júrgiziledi: mádenı-aǵartý, áskerı-patrıottyq, sporttyq, shyǵarmashylyq, ıntellektýaldyq, robototehnıka jáne t.b.
Demalys ortalyqtarynda sheberlik synyptary, baıqaýlar, týrnırler, jarystar, estafetalar, tárbıe saǵattary, profılaktıkalyq áńgimeler, kezdesýler, kórmeler, ekskýrsıalar, saıahattar men aksıalar túrinde ártúrli formattaǵy is-sharalar ótkiziledi.
Joba aıasynda demalys ortalyqtarynda 500 úıirme men seksıa ashylyp, 155 000-nan astam adam qamtylǵan.