Lúks sanatty kólikter óndiretin Rolls-Royce alǵashqy elektrmobılin jasap shyǵardy.
Ol qýat kózinsiz 515 shaqyrym qashyqtyqty eńsere alady. Temir tulpar keler jyldyń sońynda jappaı satylymǵa shyǵarylýy tıis. Janarmaımen júretin kólikten aýaǵa bólinetin zıandy zattar parnıktik gazdardyń negizigi kózi sanalady, dep habarlaıdy Almaty-akshamy.kz 24.kz-ke silteme jasap.
Osyǵan baılanysty keıingi ýaqytta klımattyń ózgerýi týraly kóp aıtylyp, álem elderi elektrmobılderdiń óndirisin arttyryp jatyr. Byltyr álemde 6,5 mln-nan asa osyndaı kólik satylǵan. Bul 2020 jylmen salystyrǵanda eki ese kóp.
Torsten Múller-Otvos, Rolls-Royce Motor Cars bas dırektory: - 1900-shy jyldary Rolls-Royce kompanıasynyń negizin qalaýshylardyń biri Charlz Rolls kóliktiń janarmaımen emes, elektr energıasymen júrgeni durys degen. Eń bastysy, ony qýattaýǵa qatysty másele sheshilý qajetti týraly aıtqan. Sol ýaqyttan beri qanshama jyl ótti. Endi mine, búgin Rolsstyń aıtqany kelip otyr, - deıdi.