Ulybrıtanıada bir kúnde 45 myńǵa jýyq adamnan vırýs anyqtaldy
Ulybrıtanıa Úkimeti sońǵy táýlikte SARS-COV-2 ınfeksıasy týraly málimetterdi jarıalady. Elde 44 985 adamnan koronavıýrs anyqtaldy, osylaısha vırýs tasymaldaýshylardyń jalpy sany 8 734 934-ke jetti, dep habarlaıdy Almaty-akshamy.kz Covid-19 taralýyna jol bermeý jónindegi VAK-qa silteme jasap.
Epıdemıologıalyq jaǵdaıǵa baılanysty Premer-mınıstr Borıs Djonson azamattardy dereý vaksına alýǵa jáne revaksınasıadan ótýge shaqyrdy. Ol brıtandyqtardyń koronavırýspen kúreste «fenomenaldy progreske» qol jetkizgenin atap ótip, vaksınanyń qorǵaý qabileti alty aıdan keıin álsireýi múmkin ekenin eske saldy. Ulybrıtanıada 50 jastan asqan turǵyndar, medısına qyzmetkerleri, qarttar úıiniń qyzmetkerleri, sozylmaly aýrýy bar adamdar Sovid-19-ǵa qarsy údetkish vaksınasıa jasaýy qajet.
Al, Ýkraınada koronavırýs tolqyny álsiremeı tur. Ótken táýlikte ınfeksıanyń 23 229 jańa rastalǵan jaǵdaıy anyqtaldy jáne 483 naýqas qaıtys boldy, dep habarlaıdy eldiń Densaýlyq saqtaý mınıstrligi. Sonyń saldarynan SARS-CoV-2 tasymaldaýshylarynyń jalpy sany pandemıa bastalǵannan beri 2 748 614 adamǵa jetti, al ólim jaǵdaılarynyń sany 63 486 boldy.
Aıta ketý kerek, elde ımmýndaý tómen qarqynmen júrip jatyr. Birinshi dozamen vaksınasıalanǵandardyń sany - 8 890 452 nemese 21,5 %, vaksınasıanyń tolyq kýrsyn 6 963 577 azamat ótti. Qazirgi ýaqytta Ýkraınada 43 mıllıonnan astam adam turady.