Zertteýshiler kúnde bir mezgil smartfondy óshirip qoıýǵa keńes beredi.
Túski úzilistiń ózinde de ýaqytyn smartfonmen ótkizetin jandar bul ýaqytty serýendeýge, áriptesterimen sóılesýge nemese kitap oqýǵa arnaǵandarǵa qaraǵanda qatty sharshaıdy.
Koreıa zertteýshileri jumys ýaqytynda sharshap júretinderge túski as kezinde mobıldi qurylǵyny óshirip qoıýǵa keńes beredi. Bul týraly Menslife ınternet basylymy jazdy, dep habarlaıdy Almaty-akshamy.kz.
Júrgizilgen eksperıment boıynsha túski úzilistiń ózinde de ýaqytyn smartfonmen ótkizetin jandar bul ýaqytty serýendeýge, áriptesterimen sóılesýge nemese kitap oqýǵa arnaǵandarǵa qaraǵanda qatty sharshaıtyny belgili bolǵan.
Zertteý barysynda 400-den asa erler men áıelder qatysqan saýalnama qorytyndysy osyndaı nátıje kórsetken. Saýalnamada túski as kezindegi jáne odan keıingi ýaqyttaǵy kóńil kúıdi naqtylaǵan.
Qatysýshylardyń jartysyna jýyǵy túski as kezinde uıaly telefon qoldanǵan. Qalǵandary bul ýaqytta smartfondaryn óshirip qoıǵan. Endi bireýleri taza aýada serýendep, endi biri adamdarmen aralasqan. Úzilisten keıin baıqalǵandaı, smartfon qoldanǵandar ózderiniń tynyqqanyn sezbegen, olar kúshteriniń sarqylǵanyna jáne jumysqa degen belsendilikteriniń tómendegenine shaǵym aıtqan.
Ǵalymdar smartfonda bir degende birneshe qyzmetterdi (áleýmettik jelilerdi qoldaný, pleı-lısterdi tyńdaý) atqarý kóp energıa men kúshti alyp qoıatynyn aıtady. Al basylymdardy, kitaptardy oqýda mundaı selqostyq baıqalmaǵanyn atady. Sebebi qaǵaz túrindegi buqaralyq quraldarda jylt etken jarnamalar, siltemeler jáne basqa da nazar aýdaratyn dúnıeler joq. Sonymen qatar kóz ben moıynǵa da kúsh azyraq túsedi eken.