Aǵza búırekti tolyǵymen qabyldaǵan
AQSH-taǵy NYU Langone Health medısınalyq ortalyǵynyń dárigerleri álemde alǵash ret adamǵa dońyzdyń búıregin transplantasıalady, dep habarlaıdy Almaty-akshamy.kz Baq.kz agenttigine silteme jasap.
Reuters-tiń málimetinshe, aǵza jasandy tynys alý apparatynda jatqan, mıy ólgen áıel adamǵa salynǵan. Organızm aǵzany qabyldamaý qaýpin azaıtý úshin dárigerler genetıkalyq túrlendirilgen janýardy qoldanǵan.
Eksperımenttik operasıa aıasynda hırýrg mamandar dońyzdyń búıregin deneden tys iri qantamyrlarǵa bekitip, ony 54 saǵat boıy baqylaǵan.
Mamandardyń aıtýynsha, búırek qalypty jumys istegen: qaldyqtardy súzip, nesep bólgen. Zertteýge jetekshilik etken transplantolog Robet Montgomerı dárigerler toby aǵzanyń búırekti qabyldamaýyn baıqamaǵanyn alǵa tartty. Sondaı-aq ol resıpıentte buryn baıqalǵan shekten tys kreatının deńgeıi transplantasıadan soń qalypqa kelgenin aıtty.