Qańtar aıynda Eýropada koronavırýstyń «omıkron» shtamyna shaldyǵýshylar sany artatyny boljanyp otyr.
Brıtanıada pandemıa bastalǵaly vırýsty juqtyrý oqıǵalarynyń rekordtyq sany tirkeldi, dep habarlaıdy Almaty-akshamy.kz Soronavirus2020.kz-ke silteme jasap
Pfizer kompanıasy kovıdti emdeýge arnalǵan jańa dári shyǵardy. Eýropa 5-11 jas aralyǵyndaǵy balalarǵa vaksına salýǵa daıyndyq júrgizýde. Ýkraına indetke qatysty shekteýlerdi taǵy úsh aıǵa sozdy.
Erýokomıssıa basshysy Ýrsýla fon der Láıen koronavırýstyń «omıkron» nusqasynyń qańtar aıynda Eýropada basym bolatynyn eskertti. Bul rette ol Eýroodaq elderinde vırýspen kúres júrgizý úshin vaksına jetkilikti ekenin atap ótti. «Aýrýǵa shaldyǵýdyń jańa oqıǵalarynyń sany árbir eki ne úsh kún saıyn eselenip keledi jáne bul úlken kórsetkishter. Ǵalymdardyń aıtýynsha, qańtardyń ortasyna qaraı «omıkron» Eýropada jańa domınantty nusqa bolatynyn kútýge bolady», - dedi fon der Láıen Evroparlamentke. Dúnıejúzilik densaýlyq saqtaý uıymy (DDSU) koronavırýstyń jańa nusqasynyń álemde úlken qarqynmen taralyp otyrǵanyn eske salýda. "Omıkrondy" juqtyrý oqıǵalary 77 elde rastaldy. Osy arada, AQSH-ta koronavırýs juqtyryp qaıtys bolǵan adamdar sany 800 myńnan asqan – bul álem boıynsha eń joǵary kórsetkish. «Omıkron» belgileri ózge nusqalarǵa uqsamaıdy Oksford ýnıversıtetiniń profesory Djon Bell «omıkron» belgileriniń koronavırýstyń basqa nusqalarynan erekshelenetinin aıtýda. Onyń sózinshe, vırýstyń bul nusqasyna shaldyqqan adamdardyń bulshyq eti, ásirese arqasy aýyryp, murny biteledi, asqazany qabynyp, ishi ótedi. Mıalgıa, ıaǵnı bulshyq ettiń aýyrýy – jańa nusqanyń erekshe belgisi, densaýlyq saqtaý salasynyń qyzmetkerleri munyń sebebin ázirge túsine almaı otyr. D. Bell «omıkronnyń» belgileri jaıly túsinik bolǵanymen, onyń basqa erekshelikterin áli de anyqtaý qajet ekenin aıtýda.
Pfizer kovıdti emdeýge arnalǵan jańa dári shyǵardy. Pfizer kompanıasy koronavırýs saldaryn emdeýge arnalǵan jańa Paxlovid preparatynyń tıimdiligin málimdedi. Preparat qaýip tobyndaǵy adamdar arasynda aýrýhanaǵa jatý jáne ólim jaǵdaılaryn 90 paıyzǵa azaıtty. Testileýge 2,2 myńnan artyq volonter qatysqan. Alynǵan málimet qarasha aıynda jarıalanǵan nátıjeni rastap shyǵardy. Kompanıa birde-bir elde qoldanýǵa ruqsat etilmegen Pakslovıd preparaty zerthanalyq synaqta koronavırýstyń «omıkron» nusqasyna qarsy tıimdiligin tanyta alǵanyn málimdedi. Pakslovıd eki preparat - jańa tájirıbelik dári Nırmatrelvır men AITV-ǵa qarsy qoldanylatyn vırýsqa qarsy Rıtonavır preparattarynyń qosyndysy. Bul dárini bes kún qabyldaý qajet. Taǵy bir preparat - Merck kompanıasy shyǵarǵan Molnýlıravır Ulybrıtanıada qoldanýǵa ruqsat etilgen. Alaıda zertteý qorytyndylary Molnýlıravırdiń aýrýhanaǵa jatqyzý jáne ólim oqıǵalarynyń sanyn nebári 30 paıyzǵa tómendetkenin kórsetti, ony qoldaný qaýipsizdigine de qatysty suraqtar týyndaǵan. Oǵan qaraǵanda, Pfizer kompanıasy shyǵarǵan preparattyń nátıjeliligi kóp.
Italıa elge kirý erejelerin kúsheıtti. Italıa beısenbiden bastap EO-nyń basqa elderinen kirý erejelerin kúsheıtedi. Endi elge kirmek bolǵan adamdar koronavırýsqa test tapsyryp, vaksına almaǵandar beskúndik karantınge jatqyzylady. Buǵan deıin Italıaǵa EO elderinen kelýshiler vaksına týraly kýálik, saýyqqany nemese koronavırýsqa qarsy test tapsyrǵanyn rastaıtyn anyqtama usynyp kelgen. Vaksına almaǵan saıahatshylar karantınde oqshaýlanady, ekpe saldyrtqandar testiń teris nátıjelerin usynýy tıis. Jańa sharalar merzimi - 16 jeltoqsan men 31 qańtar aralyǵy.
Eýropa balalarǵa vaksına sala bastaıdy. Sársenbi kúni Eýropanyń birneshe memleketi 5-11 jas aralyǵyndaǵy balalarǵa vaksına sala bastady. Bul shara vırýstyń «omıkron» nusqasynyń jyldam taralýy jaǵdaıynda mektepterdiń jabylyp qalmaýy maqsatymen júrgizilýde. Germanıa, Ispanıa, Grekıa jáne Vengrıa kishi jastaǵy balalarǵa ekpe sala bastady. Dárigerler vaksınanyń ata-analar tarapynan úlken suranysqa ıe bolǵanyn aıtyp otyr. Grekıanyń Bilim mınıstri Nıkı Kerameýs kishkentaı balasyna vaksına saldyrtý úshin afınalyq aýrýhanaǵa alǵashqylardyń qatarynda kelgen. Búginde elde 30 myńnan astam bala ekpe alýǵa jazylǵan. «Omıkron» juqtyrý oqıǵalarynyń kóp sany tirkelgen Danıa men Avstrıanyń keıbir aımaqtarynda kishi jastaǵy balalarǵa ekpe saldyrtý usynysy qarashada túsken. İri elder arasynda balalarǵa ekpe saldyrtqan – Qurama Shtattar, búginde elde 5-11 jas aralyǵyndaǵy bes mıllıonnan astam balaǵa vaksına egildi. Germanıanyń keıbir qalalarynda balalarǵa ekpeni murajaılar men haıýanattar baǵynda salý josparlanyp otyr, basqalarynda mektep syrtyndaǵy mobıldik brıgadalar qurylmaq. Ispanıada 5-11 jas aralyǵyndaǵy balalarǵa ekpe salý naýqany bastalýda – bul topqa shamamen 3,3 mıllıon adam kirip otyr. Eýropanyń birqatar elderi, sonyń ishinde Italıa, Portýgalıaá, Polsha, Baltyq elderi jáne Cheehıa osyǵan uqsas naýqandardy aldaǵy kúnderi iske asyrmaq. Ýkraına kovıdke qatysty shekteýlerdi taǵy úsh aıǵa sozdy Ýkraın úkimeti pandemıaǵa baılanysty shekteýlerdi jeltoqsan sońynan bastap taǵy úsh aıǵa – 31 naýryzǵa deıin sozady. Buǵan elde vaksınalaýdyń tómen deńgeıi sebep bolýda. Bul týraly sársenbi kúni eldiń premer-mınıstri Denıs Shmygal málim etti. Onyń túsindirýinshe, bul kópshilik oryndarǵa kovıd-sertıfıkattarmen kirý, maska taǵý jáne qashyqtyqty saqtaý erejeleri óz kúshinde qalatynyn bildiredi. Premer shekteýlerdiń eldegi turǵyndardyń 70 paıyzy vaksına saldyrtpaıynsha saqtalatynyn qosyp ótti. Ýkraına Densaýlyq saqtaý mınıstrliginiń málimetinshe, eldegi 41 mln halyqtyń 12,6 mıllıony ǵana kovıdke qarsy vaksınanyń eki dozasyn saldyrtqan, bul rette aýrý juqtyrýdyń 3,6 mln oqıǵasy men 92 myńǵa jýyq ólim oqıǵasy tirkeldi.